တပ်မတော် စစ်ကြောင်းအား သျှမ်းပြည်တပ်မတော် လိုက်လံ တိုက်ထုတ်

တပ်မတော် စစ်ကြောင်းအား သျှမ်းပြည်တပ်မတော် လိုက်လံ တိုက်ထုတ် ,

{[['']]}

တပ်မတော် စစ်ကြောင်းအား သျှမ်းပြည်တပ်မတော် လိုက်လံ တိုက်ထုတ်
သျှမ်းသံတော်ဆင့်
ဂျူလိုင် ၂၂ ရက် ၂၀၁၄
သျှမ်းပြည်တောင်ပိုင်း ကျေးသီးမြို့နယ် ဟာ့ဝမ့်ကျေးရွာအုပ်စု အတွင်း အခြေစိုက် သည့် SSPP/SSA တပ်စခန်းအား ပစ်ခတ်တိုက်ခိုက်ခဲ့သည့် မြန်မာ့တပ်မတော် ခလရ ၂၄၈ တပ်ရင်းအား အဆိုပါအုပ်စု အတွင်းမှ ဂျူလိုင် ၂၁ ရက် မွန်းလွဲပိုင်းက လိုက်လံတိုက်ထုတ်နိုင်ခဲ့ သည်ဟု ရှေ့တန်းရောက် SSPP/SSA တပ်မှူး ကပြောသည်။
ဂျူလိုင်လ ၂၀ ရက် မွန်းလွဲပိုင်းမှ ၂၁ ရက် နံနက်ပိုင်းအထိ သျှမ်းပြည်တောင်ပိုင်း ကျေးသီးမြို့ အရှေ့ ဘက် ၈ မိုင်အကွာရှိ ဟာ့ဝမ့်အုပ်စုဝင် ကောင်းစဝ်မိန်းတပ်စခန်းအား အစိုးရတပ်ခလရ ၂၄၈ ကအကြိမ် ကြိမ်တိုက်ခိုက်ခဲ့ ပြီး ၂၀ ရက်နေ့ ညက ကောင်းစဝ်မိန်းတပ်စခန်းကို ဝန်းရံ ထားခဲ့ကြသည်ဟု ဆိုပါသည်။
SSPP/SSA ကလည်း မြန်မာ့ တပ်မတော်၏ အပြင်စည်းတွင် ထပ်မံအင်အားဖြည့်ဝန်းရံ ပိတ်ဆို့ တိုက်ခိုက်သောကြောင့် တိုက်ပွဲများဆက်တိုက်ဖြစ် ပွားခဲ့သည်။
၂၁ ရက်နေ့ မွန်းလွဲပိုင်း အဆိုပါတပ်များ ဝမ့်ဝပ်အုပ်စု နှင့် ဟာ့ဝမ့်အုပ်စုမှ ပန်စယ်ဘက်သို့ တပ်ဆုတ်ပြန်သွားမှသာ တိုက်ပွဲ ယာယီပြီးဆုံးသွားကြောင်း ရှေ့တန်းရောက် တပ်မှူး ဖှလျှပ်က ပြောသည်။
“ဒီနေ့တော့ တိုက်ပွဲသံမကြားရတော့ဘူး။ ကျနော်တို့ကိုဘာဖြစ်လို့လာတိုက်တာလဲဗျာ။ လူထု တော်တော် ဒုက္ခရောက်တယ်။ မိုးတွင်းလေ။ သူတို့တွေက သျှမ်းပြည်ရာသီဥတုနဲ့လည်း မရင်းနှီးဘူး ကော်။ သျှမ်းပြည်ထဲမှာ အခြေစိုက်ဆိုပေမယ့် အောက်ပြည်က လာတဲ့သူတွေဘဲ။ ကျနော်တို့ဘက်တော့ ဒဏ်ရာ ရတဲ့သူတော့ရှိတယ်။ ကျဆုံး တာတော့မရှိဘူး။ သူတို့ဘက်လည်း ဘယ်လောက်သေကြေ ဒဏ်ရာ ရလဲမသိဘူး ။ ဒီနေ့တော့ ကျနော်တို့ ကွင်းဆင်း ကြည့်နေတယ်။ သူတို့က ဒီဒေသကနေ ဆုတ်ခွါတော့ ရွာသားတွေလဲ ဝမ်းပမ်းတသာနဲ့ အိမ်ပြန်တာတွေရှိတယ်။ တချို့လဲ အခြေအနေကို စိတ်မချသေးလို့ တောထဲပုန်းနေတာတွေလဲရှိတယ်။ အခု သူတို့ကို လိုက်ရှာပြီး ရွာပြန်ဖို့ စည်းရုံးနေ တုန်း” - ဟု ပြောသည်။
ကျေးသီးမှ အစိုးရတပ် အသိုင်းအဝိုင်းကလည်း - ကျေးသီးကနေ အင်အားထပ်ဖြည့်ဖို့ ပြင်နေတယ် လို့ကြား တယ်။ အောက်ခြေတပ်သားတွေတော့ စစ်မတိုက်ချင်ဘူး ပြောနေတယ်။ အထက်ကို မလွန်ဆန်နိုင်ဘူး၊ ဒါပေမယ့် စစ်ရေးအရ ဟာ့ဝမ့်နား က သျှမ်း တပ်ကို သိမ်းနိုင်ရင် တာ့ဖါဆောင်၊ ကျိန်းလိန်အထိ ထိန်းချုပ်နိုင်ပြီလို့ပြောတယ်။ ဝိုင်းတိုက်ဖို့ ကွန်မန်ဒို တပ်လဲ ပြင်ထားတယ်ပြောတယ် - ဟု ဆိုသည်။
ကျေးသီးမြို့ အရှေ့ - မြောက်ဘက်ရှိ သျှမ်းပြည်တိုးတက်ရေးပါတီ၏ တာဖါဆောင်တပ်စခန်းအား တပ်ဆုတ်ဖယ်ပေးရန် ဒေသတွင်း မြန်မာစစ်တပ်က ဂျွန် လ နှောင်းပိုင်းက အင်အားသုံးတိုက်ခိုက် ခဲ့သည်။ ထို့အပြင်ဝန်ကြီး ဦးအောင်မင်း၊ ဦးသိန်းဇော်တို့ ကလည်း ဂျူလိုင် ၈ ရက်က နေပြည်တော် ရောက် သျှမ်းပြည် တပ်မတော် ကိုယ်စားလှယ်ထံ တပ်စခန်းဆုတ်ပေးရန် ပြောကြားထားသည်။
သျှမ်းပြည်တပ်မတော် နှင့် မြန်မာအစိုးရ တို့သည် ပြည်ထောင်စုအဆင့် ငြိမ်းချမ်းရေးသဘောတူ လက်မှတ် ရေးထိုးထားကြပြီးဖြစ်သည်။
===========
သျှမ်း/မြောက် နမ့်ခမ်းတွင် တအာင်းတပ်မတော်နှင့် အစိုးရစစ်တပ်တိုက်ပွဲဖြစ် ရွာသား ၂ ဦးသေ
သျှမ်းသံတော်ဆင့်
ဂျူလိုင်လ ၂၂ ရက် ၂၀၁၄
သျှမ်းပြည်မြောက်ပိုင်း နမ့်ခမ်းမြို့နယ်အတွင်း အစိုးရတပ်မတော်နှင့် တအာင်း အမျိုးသား လွတ်လပ်မြောက် ရေး တပ်မတော် TNLA တို့အကြား တိုက်ပွဲ အပြင်းအထန်ဖြစ်ပွားရာ ဒေသခံ ရွာသား နှစ်ဦး သေဆုံးခဲ့ကြောင်း ဒေသတွင်းသတင်းရပ်ကွက်ကဆိုပါသည်။
“နမ့်ခမ်းမြို့နယ် မိုင်းဝီးကျေးရွာအုပ်စု မန်းပူးရွာမှာ မူးယစ်ဆေးဝါးလိုက်လံတိုက်ဖျက်နေတဲ့ TNLA တပ်ဖွဲ့နဲ့ မြန်မာ့တပ်မတော် တပ်မ ၈၈ လက်အောက်ခံတပ်ရင်းတွေ တိုက်ခိုက်ကြတာ။ တိုက်ပွဲပြင်းထန်တယ်။ ရွာသား ၂ ယောက်သေတယ်။ နှစ်ဘက်တပ်လဲ အကျအဆုံးများတယ်။ ကျွဲနွားတွေသေတယ်။ ဘုန်းကြီးကျောင်းတွေ အိမ်တွေ လယ်ယာ မြေတွေ ကျည်ဆန်ထိမှန်တာ အပျက်အစီးတော်တော်များတယ်” - ဟု ဒေသခံ အိုက်ယီ့က ပြောသည်။
ဂျူလိုင်လ ၂၀ ရက်နေ့ညနေပိုင်းက မန်းပူးရွာတွင်း ပစ်ခတ်တိုက်ခိုက်မှုဖြစ်ခဲ့ကြပြီး ဂျူလိုင်လ ၂၁ ရက်မနက်ပိုင်း တခြားရွာသို့ပါ တိုက်ပွဲကူးစက်သွားသဖြင့် မြို့ပေါ်သို့ စစ်ဘေးရှောင် ၁၀၀ ကျော်ရောက်ရှိ နေကြောင်း နမ့်ခမ်းမြို့ခံ စိုင်းခမ်းက ပြောသည်။
အဆိုပါတိုက်ပွဲတွင် မြန်မာ့တပ်မတော်သား ၂၁ ယောက်သေဆုံးပြီး တအာင်းတပ်သား ၈ ယောက် ကျဆုံးကြောင်း ကျေးလက်အကြီးအကဲများကပြောဆိုနေပါသည်။ သို့သော်သျှမ်းသံတော်ဆင့်အနေဖြင့် သီးခြားအတည်ပြုချက်မရရှိသေးပေ။
နမ့်ခမ်းမြို့နယ်တွင် တပ်ပေါင်းစု အမည်ရ ကချင်လွတ်လပ်ရေးတပ်မတော် KIA ၊ သျှမ်းပြည်တပ်မတော် SSPP SSA ၊ ပလောင် ခေါ် တအာင်းအမျိုးသားလွတ်မြောက်ရေးတပ်မတော် TNLA တို့ ပူးတွဲလှုပ်ရှားပါသည်။ KIA ကချင်တပ်မတော်နှင့် TNLA တအာင်းတပ်မတော်တို့သည် အစိုးရနှင့် အကြိမ်ကြိမ်တွေ့ဆုံ ဆွေးနွေးခဲ့သော်လည်း အပစ်ရပ်သဘောတူလက်မှတ် ရေးထိုးနိုင်ခြင်းမရှိသေးပေ။
=======
အစိုးရစစ်တပ်နှင့် TNLA တိုက်ပွဲများကြောင့် ဒေသခံ နှစ်ဦးသေဆုံး
July 22, 2014
ဧရာဝတီ
ရှမ်းပြည်နယ် မြောက်ပိုင်း နမ့်ခမ်းမြို့နယ် မန်ပူးကျေးရွာတွင် မြန်မာအစိုးရတပ်နှင့် ပလောင်အမျိုးသား လွတ်မြောက်ရေး တပ်မတော် (TNLA) တို့ ဇူလိုင် ၁၉ ရက်က တိုက်ပွဲများ ထပ်မံ ဖြစ်ပွားပြီး ဒေသခံ ၂ ဦး သေဆုံးပြီး ၅ ဦးခန့် ဒဏ်ရာ ရရှိခဲ့သည်ဟု သိရသည်။
TNLA အထွေထွေ အတွင်းရေးမှူး တာဘုန်းကျော်က “နေအိမ် ၁၀ လုံးလောက်တော့ ပျက်စီးသွားတယ်။ ဒဏ်ရာရတဲ့ ပြည်သူတွေကိုလည်း ကျနော်တို့ အနေနဲ့ တတ်နိုင်သလောက် ကူညီသွားမှာပါ။ ကျနော်တို့ အနေနဲ့ကတော့ ရွာတွေထဲမှာ ရွာနဲ့နီးတဲ့ နေရာမှာ တိုက်ပွဲမဖြစ်ဖို့ အမြဲရှောင်ပါတယ်။ ရွာကိုထိတဲ့ လက်နက်ကြီးတွေကလည်း အစိုးရတပ်က သုံးတဲ့ ပစ္စည်းတွေပါ” ဟု ဧရာဝတီကို ပြောသည်။
မန်ပူးကျေးရွာ အတွင်း လက်နက်ကြီး ၅ လုံးခန့် ကျကာ ကျေးရွာအတွင်းရှိ နေအိမ်များပျက်စီးပြီး ဒေသခံ ပြည်သူများ အားလုံး ထွက်ပြေးတိမ်းရှောင် နေကြသည်ဟု အဆိုပါကျေးရွာ ဒေသခံ တဦးက ပြောသည်။
တတုိုင်းပြည်လုံး အတိုင်းအတာဖြင့် အပစ်အခတ် ရပ်စဲရေး သွားနေစဉ်တွင် အစိုးရ အနေဖြင့် လက်ရှိအပြုအမူမျိူး မလုပ်သင့်ကြောင်း၊ မြန်မာအစိုးရ အနေဖြင့် ချမှတ်ထားသည့် စည်းမျဉ်းစည်းကမ်းကို တိုင်းရင်းသား လက်နက်ကိုင်များ လက်ခံစေရန် စစ်ရေးအရ ဖိအားပေးခြင်း မပြုလုပ်သင့်ကြောင်းနှင့် အစိုးရ အနေဖြင့် ငြိမ်းချမ်းရေးကို မလိုလားသေးဟု တာဘုန်းကျော်က ဆက်ပြောသည်။
“တိုက်ပွဲ အခြေအနေကတော့ ပိုဖြစ်ဖို့ များပါတယ်။ အစိုးရတပ်တွေက ကျနော်တို့ရဲ့တပ် တမိုင်အကွာလောက်မှာပဲ ရှိကြတယ်။ တိုက်ပွဲ အချိန်မရွေး ဖြစ်နိုင်တယ်။ တိုက်ပွဲတွေကလည်း နေတိုင်းလိုလို ဖြစ်နေပါတယ် ” ဟု ၎င်းက ဆိုသည်။
လက်ရှိ အခြေအနေတွင် နမ့်ခမ်းမြို့နယ် အတွင်းနှင့် မိုးကုတ်မြို့နယ်တွင် တိုက်ပွဲများ ဆက်တိုက် ဖြစ်ပွားနေပြီး၊ ရှမ်းပြည်နယ်မြောက်ပိုင်း မုံးပေါ်တွင် အချိန်မရွေး တိုက်ပွဲဖြစ်လာနိုင်သည့် အခြေအနေ ရှိနေကြောင်း သိရသည်။
TNLA ပြန်ကြားရေး ဌာနမှ မိုင်အိုက်ကျော်က “ မန်ပူးကျေးရွာမှာတော့ ရွာသားတွေ တယောက်မှ မရှိကြတော့ဘူး။ တချို့က တောထဲ ထွက်ပြေးကြတယ်။ တချို့ကတော့ နီးစပ်ရာရွာမှာ နေကြတယ်။ တချို့ကျတော့ နမ့်ခမ်းကို ထွက်ပြေးကြတယ်။ မနေ့က နမ့်ခမ်းကို အယောက် ၄၀၀ လောက် တက်သွားတယ်လို့ ကြားတယ် ” ဟု ဧရာဝတီကို ပြောသည်။
TNLAနှင့် အစိုးရသည် ၂၀၁၃ ခုနစ် ဇူလိုင်လ ၃၁ ရက်က မူဆယ်မြို့တွင် ငြိမ်းချမ်းရေး ဆွေးနွေးပွဲ ပြုလုပ်ခဲ့ပြီး နောက်ပိုင်း ထပ်မံတွေ့ဆုံမှု မရှိကြောင်း သိရသည်။
TNLA နှင့် KIA တို့ အခြေချ နေထိုင်သည့် ရှမ်းပြည်နယ် မြောက်ပိုင်း၌ အရှေ့မြောက်တိုင်း စစ်ဌာနချုပ် (ရမခ) လက်အောက်ခံ တပ်ရင်း ၈ ရင်း ၊ စစ်ဆင်ရေး ကွပ်ကဲမှု ဌာနချုပ် (စကခ) ၁၊ စကခ ၁၆၊ တပ်မ ၇၇၊ တပ်မ ၈၈ နှင့် တပ်မ ၅၅ အပါအ၀င် စုစုပေါင်း တပ်ရင်း ၄၇ ခုက နယ်မြေစိုးမိုးရေး ဆောင်ရွက်နေကြောင်း TNLA ပြန်ကြားရေး ဌာန၏ ထုတ်ပြန်ချက်တွင် ဖော်ပြထားသည်။
ယင်းအပြင် အစိုးရစစ်တပ်နှင့် ရှမ်းပြည် တိုးတက်ရေး ပါတီ၊ ရှမ်းပြည် တပ်မတော် မြောက်ပိုင်း (SSPP/SSA) သည် ဇူလိုင် ၂၀ ရက်က စတင်ပြီး ရှမ်းပြည်နယ် တောင်ပိုင်း ကျေးသီးမြို့နယ် ပန်စရ်ကျေးရွာ အနီးတွင် တိုက်ပွဲများ ဖြစ်ပွား နေသည်ဟု ကျေးသီးမြို့နယ် ဒေသခံတဦးက ဧရာဝတီကို ပြောသည်။
=======
မိုးသည်းထန်ခြင်းကြောင့် ဂျေယန့် ဒုက္ခသည်စခန်း မြေပြို၍ လူ ၅ ဦးသေဆုံး
22 July 2014
Kachin News Group
ကချင်လွတ်မြောက်ရေးအဖွဲ့ KIO ဗဟိုဌာနချုပ် လိုင်ဇာမြို့အနီးရှိ ဂျေယန့် (Je Yang) ဒုက္ခသည်စခန်းတွင် ယနေ့ ဇူလိုင်လ ၂၂ ရက်နေ့ နံနက် ၈ နာရီကျော်တွင် မြေပြိုမှုဖြစ်ပွားခဲ့ပြီး လူ ၅ ဦး သေဆုံးခဲ့သည်ဟု ဒုက္ခသည်စခန်း တာဝန်ရှိသူများက ပြောသည်။
ယမန်နေ့ည သန်းခေါင်ယံမှ စတင်၍ မိုးသည်းထန်စွာ ရွာသွန်းမှုကြောင့် လိုင်ဇာမြို့မှ ၇ မိုင်ခန့်ရှိ ဂျေယန့် ဒုက္ခသည် စခန်း ၆ အေ ရပ်ကွက်မှ နေအိမ်တလုံးပေါ် မြေပြို၍ နံနက်ထမင်းစားနေသော မိသားစု နှစ်စုမှ လူ ၅ ဦးလုံး သေဆုံးခဲ့ခြင်း ဖြစ်သည်။
“မနေ့က ၁၂ နာရီ ၁ နာရီလောက်ကတည်းကနေ စရွာတာ မနက်ထိဘဲ။ မိုးကအရမ်းကြီးတော့ မြေပြိုလို့ ဆုံးသွားတယ်။ ဒီမနက် ထမင်းစားနေတဲ့အချိန်ဖြစ်တာ။ မိသားစု နှစ်စုလုံး ဆုံးသွားတယ်” ဟု ဂျေယန့် ဒုက္ခသည်စခန်းမှ ကျန်းမာရေးမှူး ဆရာတူးဂျာက ပြောသည်။
သေဆုံးသွားသူများမှာ ဒေါ်မခေါ်ရွယ် (အသက် ၅၆နှစ်)၊ မောင်လဖန် လတောင် (အသက် ၁၅ နှစ် )၊ မောင်လဖန် တူးရိန်တို့ (အသက် ၁၃ နှစ်)နှင့် အခြား မိသားစုတစုမှ ဒေါ်လထော်ဘောက်မိုင် (အသက် ၃၅ နှစ်)၊ ဂျန်မော်နော်လတ် (အသက် ၄ နှစ်အရွယ်) တို့ သေဆုံးခဲ့သည်ဟု သူက ပြောသည်။
ပြီးခဲ့သည့် ၂၀၁၁ ခုနှစ်က ပေါ်ဆယ် (Pau Se) ကျေးရွာနှင့် ဂျာအိန်ယန် (Ja Ing Yang) ကျေးရွာများမှ လာရောက်ခိုလှုံနေသူများဖြစ်ပြီး ၄င်းတို့ကို မြေပြိုမှု ဖြစ်ပွားပြီး ချက်ချင်း မြေတူးထုတ်ယူခဲ့သော်လည်း မြေပိမှု များပြားသဖြင့် သေဆုံးခဲ့ခြင်း ဖြစ်သည်ဟု ဆိုသည်။ သွပ်မိုး၊ သုံးထပ်သား၊ ဝါးထရံတို့ဖြင့် နံရံကာထားသော နေအိမ်များ ဖြစ်သည်ဟု ဆိုသည်။
ဂျေယန့်ဒုက္ခသည်စခန်းတွင် စစ်ပြေးဒုက္ခသည် အများဆုံး ခိုလှုံနေပြီး လူပေါင်း ၈၀၀၀ ကျော် နေထိုင်နေပြီး တောင်မြင့်မားခြင်း မရှိသော်လည်း တောင်အောက်ခြေတွင် တည်ဆောက်ထားခြင်းကြောင့် မြေပြိုမှု ဖြစ်ပွားကာ လူ ၅ ဦးသေဆုံးခဲ့ရသည်ဟု KIO ၏ ဒုက္ခသည်များ စောင့်ရှောင်ရေးကော်မတီ တာဝန်ခံ ဦးဒွဲပီဆာက ပြောသည်။
ထိုသို့ မြေပြိုမှု ဖြစ်ပွားခြင်းမှာ ပထမဦးဆုံးဖြစ်ကြောင်း လက်ရှိ KIO ထိန်းချုပ်နယ်မြေတွင် စစ်ပြေးဒုက္ခသည်ပေါင်း ၈၀၀၀၀ ကျော် ရှိနေသည်ဟု သူက ပြောသည်။
သေဆုံးသွားသူများကို ယနေ့ ဇူလိုင်လ ၂၂ ရက်နေ့ ညနေပိုင်းတွင် သင်္ဂြိုလ်မည် ဖြစ်ကြောင်း သိရသည်။
=======
လိုင်ဇာအနီး ဂျေးယန်း ဒုက္ခသည်စခန်းမြေပြို၍ လူ ၅ ဦးသေဆုံး
အင်္ဂါနေ့၊ ဂျူလိုင်လ 22 ရက် 2014 ခုနှစ်
သတင်း - မဇ္ဈိမသတင်းဌာန
ကချင်လွတ်လပ်ရေးအဖွဲ့ KIO ဗဟိုဌာနချုပ် လိုင်ဇာမြို့အနီးရှိ ဂျေယန်းဒုက္ခသည်စခန်းတွင် ဇူလိုင်လ ၂၂ ရက် နံနက် ၈ နာရီကျော်က မြေပြိုခဲ့၍ အိမ်တစ်လုံးမှ လူ ၅ ဦး သေဆုံးခဲ့သည်ဟု ဒုက္ခသည်စခန်း တာဝန်ရှိသူက မဇ္ဈိမကို ပြောသည်။
မိုးသည်းထန်စွာ ရွာသွန်းမှုကြောင့် လိုင်ဇာမြို့မှ ၇ မိုင်ခန့် အကွာအဝေးရှိ ဂျေယန်းဒုက္ခသည်စခန်း ၆ အေ ရပ်ကွက်မှ မိသားစု ၂ ခု စုပေါင်း နေထိုင်သော နေအိမ်တလုံးပေါ် မြေပြို၍ နံနက်စာ စားနေသည့် မိသားစု နှစ်စုမှ လူ ၅ ဦးလုံး သေဆုံးခဲ့ခြင်း ဖြစ်သည်။
“မနေ့ကတည်းက မိုးရွာတာ မိုးအရမ်းကြီးတာ တောင်တွေက သစ်ပင်တွေ သိပ်မပေါက်ဘူးဆိုတော့ မြေပြိုလို့ ဆုံးသွားတယ်။ မြေပြိုတာနဲ့ ချက်ချင်းတော့ ထုတ်ယူတယ်။ ဒါပေမဲ့ မြေပိတာ များသွားလို့ အသက်မကယ်နိုင်တော့ဘူး”ဟု ဂျေယန်း ဒုက္ခသည်စခန်းမှ ကျန်းမာရေးမှူး ဆရာတူးဂျာက မဇ္ဈိမကို ပြောသည်။
မြေပြိုပြီး အသက်ဆုံးပါးသူများသည် ဒေါ်မခေါ်ရွယ်(အသက် ၅၆နှစ်)၊ မောင်လဖန် လတောင်( အသက် ၁၅နှစ်)၊ မောင်လဖန် တူးရိန်(အသက် ၁၃ နှစ်)တို့ မိသားစု တစုနှင့် ဒေါ်လထော်ဘောက်မိုင် (အသက် ၃၅နှစ်)နှင့် ၄နှစ်အရွယ် သားဖြစ်သူ ဂျန်မော်နော်လတ်တို့ သေဆုံးခဲ့သည်။
အဆိုပါ ဒုက္ခသည်များသည် ၂ဝ၁၁ ခုနှစ်က ပေါင်ဇေကျေးရွာနှင့် ဂျာအိန်ယန်ကျေးရွာများမှ ထွက်ပြေး တိမ်းရှောင်လာသူများ ဖြစ်သည်ဟု ဆရာတူးဂျာက ဆိုသည်။
စစ်ပြေးဒုက္ခအများဆုံး ခိုလှုံနေသော ဂျေယန်းဒုက္ခသည်စခန်းတွင် လူပေါင်း ၈ဝဝဝ ကျော် နေထိုင်နေပြီး မိုးသည်း ထန်းမှုကြောင့် မြေပြိုမှု ဖြစ်ပွားခဲ့ခြင်း ဖြစ်သည်ဟု KIO ၏ ဒုက္ခသည်များ စောင့်ရှောင်ရေး ကော်မတီ တာဝန်ခံ ဦးဒွဲပီဆာက မဇ္ဈိမကို ပြောသည်။
၂ဝ၁၁ ခုနှစ် ဇွန်လမှ စတင်ကာ အစိုးရနှင့် ကေအိုင်အိုစစ်တပ်တို့အကြား တိုက်ပွဲများကြောင့် ထွက်ပြေးတိမ်းရှောင်လာသူ ဒုက္ခသည်ပေါင်း ၈ဝ,ဝဝဝ ကျော် ရှိနေပြီ ဖြစ်ကြောင်း ဦးဒွဲပီဆာက ပြောသည်။
သေဆုံးသွားသူများကို ဂျေယန်းဒုက္ခသည်စခန်း ခန်းမတွင် ထားရှိပြီး ဇူလိုင်လ ၂၂ ရက် ညနေပိုင်းတွင် သဂြိုလ်မည်ဟု သိရသည်။
ထို့ပြင် ယခုရက်ပိုင်းအတွင်း နေ့စဉ် မိုးသည်းထန်စွာ ရွာသွန်းနေသဖြင့် ဂျေယန်းချောင်းသည်လည်း ရေကြီးနေဆဲ ဖြစ်၍ စိုးရိမ်မှုများ ရှိနေသည်ဟု သိရသည်။
ကချင်ပြည်နယ်မြောက်ပိုင်းနှင့် ရခိုင်ပြည်နယ်တောင်ပိုင်းတို့တွင် မြေပြိုရန် အလားအလာများသဖြင့် သတိပြုရန် လိုအပ်ကြောင်း နာဆာဂြိလ်တု တိုင်းတာချက် ရလာဒ်များကို ကိုးကား၍ မိုး/ဇလပညာရှင် ဒေါက်တာထွန်းလွင်က ဇူလိုင်လ ၂ဝရက်က ပြောထားသေးသည်။