၆ လအတွင်း တိုက်ပွဲများတွင် အစိုးရတပ်မှ ၁၇၀ ကျော်သေ T.N.L.A ထုတ်ပြန်

၆ လအတွင်း တိုက်ပွဲများတွင် အစိုးရတပ်မှ ၁၇၀ ကျော်သေ T.N.L.A ထုတ်ပြန်
သျှမ်းသံတော်ဆင့်
ဂျူလိုင်လ ၁၈ ရက် ၂၀၁၄
၂၀၁၄ ၏ ၆ လတာကာလအတွင်း တအာန်း (ပလောင်) တပ်မတော် T.N.L.A နှင့် မြန်မာ့တပ်မတော်တို့ တိုက်ပွဲအကြိမ် ၁၀၀ ကျော်ဖြစ်ပွားခဲ့ပြီး အစိုးရဘက်မှ စစ်ကြောင်းမှူး အရာရှိများ အပါအဝင် ၁၇၀ ကျော် သေဆုံးကာ ၁၀၀ ကျော်ဒဏ်ရာရရှိခဲ့သည်ဟု T.N.L.A ဗဟိုကော်မတီ ၆ လပတ်အစည်းအဝေးမှ ကြေငြာချက်တစောင်ထုတ်ပြန်လိုက်ပါသည်။
အဆိုပါကြေငြာချက်တွင် အချက် ၅ ချက် ပါရှိပါသည်။
တအာန်းတပ်မတော်အခြေစိုက်လှုပ်ရှားရာ သျှမ်းပြည်မြောက်ပိုင်း ကျောက်မဲ၊ သီပေါ ၊ မိုးကုတ်၊ မိုးမိတ်၊ နမ့်ဆန်၊ မန်တုံ၊ နမ္မတူ၊ ကွတ်ခိုင်၊ နမ့်ခမ်း၊ မူဆယ်မြို့နယ်အတွင်း မြန်မာ့တပ်မတော်နှင့် ထိပ်တိုက်တိုက်ပွဲများ ဖြစ်ပွါးခဲ့မှုများတွင် မြန်မာ့တပ်မတော်ဘက်မှ ၁၇၈ ဦးသေဆုံးပြီး တအာန်း တပ်မတော်မှ ကျဆုံးဒဏ်ရာရ ၂၀ ကျော်ရှိကြောင်း ကြေငြာချက်တွင်ဖော်ပြထားသည်။
အဆိုပါဒေသတွင် အားဖြည့်လှုပ်ရှားကာ တအာန်းတပ်မတော်နှင့်တိုက်ပွဲဖြစ်ပွါးသော အစိုးရ တပ်မ တော်မှာ စကခ (၁)၊ စကခ(၁၆)၊ ကွတ်ခိုင်- ဒစက၊ လောက်ကိုင်- ဒစက လက်အောက်ခံ တပ်ရင်းများ အပြင် (၁၁)၊ (၅၅)၊ (၇၇)၊ (၈၈)၊ (၉၉) အစရှိ တပ်မများ၏လက်အောက်ခံတပ်ရင်းများ စုစုပေါင်း တပ်ရင်း (၆၀) ကျော် ရှိသည်ဟု လည်းဆိုပါသည်။
ပလောင်ပြည်နယ်လွတ်မြောက်ရေးတပ်ဦး P.S.L.F/ တအာန်းအမျိုးသားလွတ်မြောက်ရေးတပ်မတော် T.N.L.A ၏ ၆ လပတ်အစည်းအဝေးကို တပ်ဦး၏ ဗဟိုဌာနချုပ်ရုံးတွင် ဂျူလိုင်လ ၁၂ ရက်မှ ၁၅ ရက်အထိ ကျင်းပခဲ့ပါသည်။ ဗဟိုကော်မတီဝင်များ အရာရှိကေဒါတပ်သားနှင့်ဖိတ်ကြားထားသူများ ၄၀ နီးပါးတက်ရောက်ပြီး နိုင်ငံရေး၊ စစ်ရေးလုပ်ငန်းများ ပြန်လည်သုံးသပ်ခြင်း၊ လုပ်ငန်း ဌာနများ၊ စစ်ဦးစီးတပ်ရင်းတပ်ဖွဲ့များ ပြင်ဆင်တိုးချဲ့ခြင်း၊ ရှေ့လုပ်ငန်းစဉ်များချမှတ်ခြင်းတို့ဆွေးနွေး နိုင်ခဲ့သည်ဟုသိရပါသည်။
တအာန်းအမျိုးသားတပ်မတော်သည် အပစ်ရပ်ငြိမ်းချမ်းရေးဆွေးနွေးရန်အတွက် အစိုးရနှင့်အလွတ်သဘော အကြိမ်ကြိမ်တွေ့ဆုံခဲ့သော်လည်း သဘောတူညီချက်တစုံတရာ မရရှိသေးပေ။

Read more »

၆ လအတွင်း တိုက်ပွဲများတွင် အစိုးရတပ်မှ ၁၇၀ ကျော်သေ T.N.L.A ထုတ်ပြန် ,

{[['']]}

ဗိုလ်ချုပ်အောင်ဆန်း လုပ်ကြံခံရမှု

ဗိုလ်ချုပ်အောင်ဆန်း လုပ်ကြံခံရမှု၏ နောက်ကွယ်မှ ပဟေဠိ ကွင်းဆက်များ (အပိုင်း – ၄)
ဗိုလ်ချုပ်သည် တူရကီ အမျိုးသားခေါင်းဆောင်ကြီးနှင့် အာဏာရှင်အဖြစ် ကမ္ဘာကျော်ခဲ့သူ မူစတာဖါလ်ကီးမား၏ ပုံရိပ်ကိုဖော်ဖို့ ကြိုးစားခဲ့ဟန်ရှိသည်
ကွန်မြူနစ် သခင်ဗဟိန်းအား တပ်မတော်ကို ဦးစီးခေါင်းဆောင်နေရာပေးရန် ဗိုလ်ချုပ်အောင်ဆန်း လျှို့ဝှက်စီစဉ်ခဲ့ပုံကို ဆိုရှယ်လစ်များ သိသွားဟန်ရှိသည်ဟု ဗိုလ်ကျော်ဇောက ၄င်း၏ ကိုယ်တိုင်ရေး အတ္ထုပ္ပတ္တိစာအုပ် (စာမျက်နှာ ၁၁၉) တွင် ဗိုလ်အောင်ကြီး၏ ၁၉၈၈ ခုနှစ်ကာလ ဦးနေ၀င်းထံပေးစာများကို ရည်ညွှန်း ကောက်ချက်ချခဲ့ခြင်း ဖြစ်ပါသည်။
ဗိုလ်ကျော်ဇောသည် မဆလခေတ် နောက်ဆုံးသမ္မတ ဒေါက်တာ မောင်မောင်ရေးသည့် “မြန်မာနိုင်ငံ၏ ၁၉၈၈ ခုနှစ် အရေးအခင်း” စာအုပ် အင်္ဂလိပ်၊ မြန်မာနှစ်ဘာသာဖြင့် ထုတ်ဝေထားချက်ကို ဖတ်ရှုခွင့်မရခဲ့ဟု ယူဆပါသည်။ အဘယ်ကြောင့်ဆိုသော် အဆိုပါ စာအုပ်ကို ဒေါက်တာ မောင်မောင်အနေဖြင့် သက်ရှိထင်ရှားရှိစဉ် ရေးသားခဲ့ပြီး ဖြစ်သော်လည်း ၁၉၉၄ ခုနှစ် ၄င်းကွယ်လွန်သည့်တိုင် ထုတ်ဝေခြင်း မရှိခဲ့ပါ။ ဒေါက်တာ မောင်မောင် ကွယ်လွန်ပြီး ၅ နှစ်ကျော် ၁၉၉၉ ခုနှစ်တွင်မှ အမေရိကန် ပြည်ထောင်စုတွင် ထူးထူးခြားခြားသွား၍ အင်္ဂလိပ်ဘာသာဖြင့် စတင်ထုတ်ဝေခဲ့ပါသည်။ အဆိုပါစာအုပ် မြန်မာဘာသာပြန်ကို ဒေါက်တာ မောင်မောင် ကွယ်လွန်ပြီး ၁၉ နှစ်ကြာ၂၀၁၃ ခုနှစ်တွင်မှ အလွန်နောက်ကျစွာ မြန်မာနိုင်ငံတွင် ထုတ်ဝေသောကြောင့် ဖြစ်ပါသည်။ အဆိုပါစာအုပ် အခန်း ၁၂၊ ပြန်လည်အမှတ်ရခြင်း၊ စာမျက်နှာ ၃၈၄ တွင် “ယနေ့ခေတ်လူများ မှတ်မိမည် မဟုတ်သော အခြားဖြစ်ရပ်တခုမှာ စစ်ကြီးပြီးသွားချိန်၌ မဟာမိတ်စစ်ဦးစီးချုပ် မောင့်ဘက်တန်သည် မြန်မာ့တော်လှန်ရေးတပ်များအား မျိုးချစ်မြန်မာ့တပ်ဖွဲ့ PBF ဟု ပြောင်းလဲအမည်ကင်ပွန်းတပ်လျက် ၄င်းတပ်ဖွဲ့၏အနာဂတ်ကို ဗိုလ်ချုပ် အောင်ဆန်းနှင့် လေးလေးနက်နက် ဆွေးနွေးခဲ့သည်။ ထိုအခါက ဗိုလ်ချုပ် အောင်ဆန်းသည် တပ်မတော်ကာကွယ်ရေး ဦးစီးချုပ်အဖြစ် လူသိနည်းပြီး အေးဆေးစွာ နေတတ်သော ကွန်မြူနစ်တဦးဖြစ်သည့် သခင်ဗဟိန်းအား စာနှင့်ပေနှင့် တရားဝင် ခန့်အပ်ခဲ့သည်။ သို့သော် သခင်ဗဟိန်းမှ ဦးစီးချုပ်ရာထူးအား လိမ္မာပါးနပ်စွာ ငြင်းပယ်ခဲ့ရုံသာမက နိုင်ငံရေးလောကကိုလည်း အပြီးအပိုင်ကျောခိုင်းကာ ဇာတိမန္တလေးသို့ ပြန်သွားခဲ့သည်။ နောက်တနှစ်ခန့်ကြာသော် သူသည် မန္တလေးမှာပင် ဆုံးသွားခဲ့သည်။”
စာရေးသူသည် ရှစ်လေးလုံး အရေးတော်ပုံ ကာလတွင် BBC နှင့် ဆက်သွယ်၍ သတင်းများကို ပေးပို့ခဲ့ သောကြောင့် စစ်အစိုးရက ထောင်ချခဲ့သည်။ ၂၀၁၁ ခုနှစ် အောက်တိုဘာ လတွင် နောက်ဆုံး အကြိမ် ထောင်မှ ပြန်ထွက်လာသည်။ ယခုအခါ ရန်ကုန်မြို့တွင် နေထိုင်လျက်ရှိပြီး သမိုင်းဆိုင်ရာ သုတေသန ပြုစုချက်များ ရေးသားနေသည်။
“ဤဖြစ်ရပ်ဖြစ်စဉ်တို့မှာ အတိတ်တွင်ကျန်ရစ်ခဲ့ပြီးဖြစ်သော ကိစ္စရပ်များဖြစ်လျက် လူသားတို့၏ သဘောသဘာဝကို နားလည် သိမြင်စေလို၍ ဖော်ပြရခြင်းသာ ဖြစ်ပါသည်။ ဗိုလ်ချုပ်အောင်ဆန်း၊ သခင်သန်းထွန်း၊ သခင်ဗဟိန်းနှင့် ဗိုလ်ချုပ်နေ၀င်းတို့ အားလုံးသည် လူသားထဲမှ လူများသာဖြစ်ကြသည်မို့ အားနည်းချက် ပျော့ကွက်များ မကင်းနိုင်ကြ။ ဖြစ်စဉ်ဖြစ်ရပ်တို့ မည်သည် သူ့နောက်ခံ အကြောင်းနှင့်သူ ပေါ်ပေါက်လာတတ်သလို ကွဲပြားခြားနားသော လျှို့ဝှက် အနက်ဓိပ္ပါယ်များ ပါဝင်သရုပ်ဆောင်ကြသူတို့၏ စိတ်နေ စိတ်သဘောထားများတို့နှင့်လည်း သက်ဆိုင်နေကြောင်း တွေ့ရပေလိမ့်မည်” ဟု ဖော်ပြပါရှိချက်အရ ကွန်မြူနစ် သခင်ဗဟိန်းကို တပ်မတော် ခေါင်းဆောင်တင်ရန် ဗိုလ်ချုပ် အောင်ဆန်းက သခင်သန်းထွန်းနှင့် ကြိုတင်ညှိုနှိုင်း တိုင်ပင်ဆွေးနွေး တောင်းခံခဲ့ခြင်း မဟုတ်ဘဲ စာနှင့်ပေနှင့် တရားဝင် ခန့်အပ်ခဲ့သည်ဟုပင် ဒေါက်တာမောင်မောင်က အတိအကျ စွပ်စွဲရေးသားထားသည်ကို တွေ့ရပါသည်။ အမှန်တကယ်တော့ ဗိုလ်ချုပ်အောင်ဆန်း တင်ပြသော တပ်မတော်ခေါင်းဆောင် စာရင်းမှန်မှာ ဗိုလ်လက်ျာနှင့် စောကြာဒိုး ဖြစ်နေသည်ကို ဒေါက်တာမောင်မောင်၏ စာတွင် ရှင်းပြမထားပေ။
မည်သို့ဆိုစေ သခင်ဗဟိန်းအား ဦးစီးချုပ်ခန့်အပ်ရန် ဗိုလ်ချုပ်အောင်ဆန်း လျှို့ဝှက်စီစဉ်ခဲ့ပုံကို ကန္ဒီစာချုပ် ချုပ်သည့်အချိန်ကာလ တ၀ိုက်ကပင် ဆိုရှယ်လစ်အုပ်စု နောင်တွင် ယူနစ်အုပ်စုဟု တပ်မတော်အတွင်း ထင်ရှားလာသူများက သိရှိသွားခဲ့ပြီဟု မှတ်ယူရန် အကြောင်းများ ထင်ရှားပေါ်ပေါက်နေသည်ကတော့ အမှန်ပင်ဖြစ်ပါသည်။ ခေတ်တခေတ်၏ အရေးပါလှသည့် အဖြစ်အပျက်များကို နက်ရှိုင်းစွာ သိရှိနားလည်စေရန် ဂျပန်ခေတ်အဓိပတိ ဒေါက်တာဘမော် ရေးသားပြီး စစ်ပြီးခေတ်တွင် ထုတ်ဝေသည့် “မြန်မာပြည်တွင်း အောင်မြင်မှုကြီး” အမည်ရှိ စာအုပ်တွင် ဒေါက်တာဘမော်က “မြန်မာပြည်နှင့် ပတ်သက်သော သမိုင်းဆိုင်ရာ အမှန်တရားများသည် မြန်မာလူမျိုးတို့ကိုယ်တိုင် ပြန်မပြောပြသမျှ ကာလပတ်လုံး မည်သည့်အခါမျှ ရုပ်လုံးပီပြင်စွာ ပေါ်လွင်လာမည် မဟုတ်ချေ” ဟု ရေးသားခဲ့ပါသည်။ ၄င်းကပင် ဆက်လက်၍ “ဒုတိယကမ္ဘာစစ်နှင့် စစ်ကြိုခေတ် မြန်မာ့သမိုင်းကို ထိုခေတ်တွင်ပါဝင်သော မြန်မာတို့ကိုယ်တိုင် မရေးသားရသေးကြောင်း ၀န်ခံခဲ့ပြီး အကြောင်းရာ ခိုင်ခိုင်လုံလုံကို အတွင်းကျကျ သိထားသောပုဂ္ဂိုလ်တို့က မရေးသားသေးသမျှ မြန်မာပြည်တွင် ဖြစ်ပွားခဲ့သော အကြောင်းရင်းများ၏ အမှန်တရားကို သိရှိနားလည်နိုင်မည် မဟုတ်ချေ” ဟု ဗိုလ်ချုပ်အောင်ဆန်းကို ဘယ်သူသတ်သလဲ၊ ဥယျောဇဉ်၊ စာမျက်နှာ ၁၅ ပါရှိချက်ကိုလည်း စာဖတ်သူများ သတိပြုသင့်ပါသည်။
နိုင်ငံခေါင်းဆောင်များ လုပ်ကြံခံရသည့် ခေတ်သစ် မြန်မာ့နိုင်ငံရေးသမိုင်းတွင် အရေးကြီးလှသော အာဇာနည်နေ့နှင့် ပတ်သက်၍ တရားခံအဖြစ် ဦးစောနှင့် အပေါင်းအပါများ နောက်ကွယ်တွင် နယ်ချဲ့သမားများ ရှိနေသည် ဟူသော ကောက်ချက်ကို မြန်မာ့နိုင်ငံရေး အသိုင်းအ၀ိုင်းက နှစ်ပေါင်းများစွာ ချမှတ်ခဲ့ပြီး ဖြစ်ပါသည်။ ၁၉၈၈ ခုနှစ်နောက်ပိုင်းတွင် နိုင်ငံတော်လုပ်ကြံမှုနှင့် ပတ်သက်၍ တရားခံဦးစောသည် နိုင်ငံရေးထောင်ချောက် ဆင်မှုအတွင်း ကျရောက်ခဲ့သော သားကောင်တဦးသာဖြစ်ပြီး နိုင်ငံရေးထောင်ချောက်ဆင်သူမှာ ဦးနေ၀င်းဖြစ်သည်ဟူသော အယူအဆအသစ်တခု ထင်ထင်ရှားရှား ပေါ်ထွက်လာပါသည်။ အဆိုပါ အယူအဆသည် ၁၉၆၂ ခုနှစ်နောက်ပိုင်း မြန်မာနိုင်ငံမှ အကြောင်းအမျိုးမျိုးဖြင့် နိုင်ငံခြားသို့ စွန့်ခွာလာသူ မြန်မာအသိုင်းအ၀န်းတွင် အကျယ်လောင်ဆုံး ဖြစ်မည်ဟု ယူဆပါသည်။ ဦးနေ၀င်းနှင့် တွဲဖက်လျက် စာရေးဆရာ ရန်ကုန်ဘဆွေ၊ ဗိုလ်လက်ျာ၏ညီ ဦးမြလှိုင်တို့ ပြောဆို လုပ်ကိုင်ချက်များကို သက်သေထူပြီး အဆိုပါ အယူအဆကို ထူထောင်ခဲ့ခြင်း ဖြစ်ပါသည်။ စာရေးသူ အနေဖြင့် နိုင်ငံတော်လုပ်ကြံမှုတွင် ဦးနေ၀င်း ပါဝင်ပတ်သက်ခြင်း မရှိဟု မဆိုနိုင်သော်လည်း ပြည်ပရောက် မြန်မာများ ယူဆသလို နိုင်ငံတော်လုပ်ကြံမှုတွင် ဦးနေ၀င်းသာ အဓိကဇာစ်မြစ် တာဝန်ရှိသူအဖြစ် တွေးခေါ်မှုလမ်းဆုံးနေခြင်းကို လက်ခံရန် ခဲယဉ်းလှပါသည်။
စာရေးသူအနေဖြင့် ဦးနေ၀င်း ကိုယ်တိုင်သည်ပင်လျင် ၁၉၄၅ မှ ၁၉၆၀ ခုနှစ် အိမ်စောင့်အစိုးရအဖြစ် အုပ်ချုပ်ခဲ့သည့် ကာလအထိ မြန်မာနိုင်ငံရေး ကျားကွက်ပေါ်တွင် ဆိုရှယ်လစ်ဂိုဏ်း၏ နယ်ရုပ်တရုပ်သာ ဖြစ်သည်ဟု ထင်မြင်ယူဆပါသည်။ ဤယူဆချက်ကို ရှင်းလင်းစွာ သိမြင်နိုင်ရန် လုပ်ကြံခံရတော့မည့် အမျိုးသားခေါင်းဆောင် ဦးအောင်ဆန်း၏ နိုင်ငံရေးဘ၀ခရီးတွင် သူနှင့်ထိစပ်ခဲ့သော ပုဂ္ဂိုလ်/ပါတီ အသင်းအဖွဲ့များ ဆက်စပ်ပုံကိုလည်း အတန်အသင့် သိထားမှသာ နားလည်နိုင်မည်ဟု ယူဆပါသည်။ ဆိုရှယ်လစ် ပါတီခေါင်းဆောင် ဦးဗဆွေ၊ ဦးကျော်ငြိမ်းတို့သည် ဦးနု၊ ဗိုလ်ချုပ်အောင်ဆန်းတို့နှင့် တက္ကသိုလ်ကျောင်းသားသမဂ္ဂ နိုင်ငံရေးကာလက စတင်ရင်းနှီးခဲ့သူများဖြစ်သည်။ ဗိုလ်ချုပ်နှင့် ဦးနုတို့သည် သခင်ကိုယ်တော်မှိုင်း၏ တို့ဗမာအစည်းအရုံးတွင် ၁၉၃၈ နိုဝင်ဘာလ ၂၀ ၌ အထွေထွေ အတွင်းရေးမှူးနှင့် ၀ါဒဖြန့်ချိရေးမှူး တာဝန်များယူပြီး နိုင်ငံရေးလောကသို့ စတင်ဝင်ရောက်ခဲ့သူများ ဖြစ်ပါသည်။
ထို့နောက် ဗိုလ်ချုပ်သည် ၁၉၃၉ သြဂုတ်လ ၁၅ ရက်တွင် သခင်စိုး ခေါင်းဆောင်သော ဗမာပြည်ကွန်မြူနစ်ပါတီတွင်လည်း အထွေထွေအတွင်းရေးမှူး တာဝန်ယူပါဝင်ခဲ့ပြန်သည်။ ထို့အတူ ဗိုလ်ချုပ်သည် ၁၉၃၉ အောက်တိုဘာ ၁ ရက်တွင် ဒေါက်တာ ဘမော်ခေါင်းဆောင်သော ဗမာ့ထွက်ရပ်ဂိုဏ်း၌ တို့ဗမာအစည်းအရုံး ကိုယ်စားပြု၍ အထွေထွေ အတွင်းရေးမှူး တာဝန်ယူ ပါဝင်ခဲ့ပြန်သည်။ ထို့အပြင် ၁၉၃၉ နိုဝင်ဘာ ၁၈ တွင် သခင်မြ ခေါင်းဆောင်သော ပြည်သူ့အရေးတော် ပုံပါတီ၌ ဗိုလ်ချုပ်သည် မြေအောက်တော်လှန်ရေး လှုပ်ရှားမှု လုပ်ငန်းများအတွက် ပြည်ပခေါင်းဆောင် တာဝန်ယူခဲ့ပြန်သည်။ ၁၉၄၀/၄၁ အတွင်း ဗိုလ်ချုပ်သည် ရဲဘော်သုံးကျိပ် ခေါင်းဆောင် ဖြစ်လာခဲ့ပြန်သည်။ စစ်တပ်ကို ဦးစီး၍ မြန်မာနိုင်ငံတွင်း ၀င်ရောက်လာချိန်မှစ၍ ဗိုလ်ချုပ်အောင်ဆန်း ဟူသော အမည်ဖြင့် လူထုကြား ထင်ရှားလာချိန်တွင် ဦးအောင်ဆန်းသည် မူလပါဝင်ခဲ့သော အဖွဲ့များကို ဆက်လက် ကိုယ်စားပြုခြင်း၊ တရားဝင်နှုတ်ထွက်ခြင်း မရှိဘဲ အဆက်အဆံ ကင်းပြတ်၍ တပ်ခေါင်းဆောင်ပုံစံဖြင့်သာ ရပ်တည်လာမှုများသည်ကို တွေ့ရသည်။
ဤအခြေအနေတွင် နိုင်ငံရေးအရှိန်အ၀ါ ကြီးနေပြီဖြစ်သော ဗိုလ်ချုပ်အောင်ဆန်းအား မူလပါဝင်ခဲ့သော ပါတီအဖွဲ့အစည်းများသည် ဗိုလ်ချုပ်၏ အခြေအနေကို စောင့်ကြည့်လာရပြီး မိမိတို့ပါတီ အတွင်းစည်းအဖွဲ့ဝင်အဖြစ် ခိုင်ခိုင်မာမာ မသတ်မှတ်ရဲသလို၊ အရှိန်အ၀ါကြီးသော ဗိုလ်ချုပ်ကို ဆန့်ကျင်ပြီး သက်ဆိုင်ရာ ပါတီများမှလည်း ထုတ်မပစ်ရဲ၊ ဗိုလ်ချုပ်၏ အရှိန်အ၀ါကို ရသလောက်သုံးနိုင်သမျှသုံး၍ မိမိပါတီ ဦးဆောင်နေရာ ရရေးအတွက် အမြတ်ထုတ်နေကြချိန် ဖြစ်လာပါသည်။ ဗိုလ်ချုပ် ကိုယ်တိုင်ကလည်း သက်ဆိုင်ရာ ပါတီအသီးသီးမှ နုတ်ထွက်ခြင်းမရှိဘဲ မိမိကို ၀ိုင်းရံအသုံးချနေသည်ကို သိရှိလက်ခံထားသည့် သဘောတွေ့ရသည်။ မြေအောက်တော်လှန်ရေးအတွက် ရည်မှန်းပြီးဖွဲ့ခဲ့သော ပြည်သူ့အရေးတော်ပုံ ပါတီအနေဖြင့် ၄င်း၏ နိုင်ငံတွင်း လက်နက်စွဲကိုင် ပုန်ကန်ထကြွရေး အဖွဲ့ဝင်များဖြစ်သော ဦးဗဆွေ၊ ဦးကျော်ငြိမ်း၊ ရန်ကုန်ဘဆွေ၊ ဗိုလ်မောင်မောင်၊ ဗိုလ်အောင်ကြီးတို့သည် ၄င်းတို့အား ဗိုလ်ချုပ်အောင်ဆန်းက ယခင်ကဲ့သို့ အလေးမထား နေရာမပေးဘဲ ရဲဘော်သုံးကျိပ်နှင့် စစ်တပ်ကိုသာ ဦးစားပေးနေမှုကို ကျေနပ်မှု မရှိကြကြောင်းကိုလည်း လေ့လာသုံးသပ်တွေ့ရှိရပါသည်။
လွတ်လပ်ရေးအတွက် ဖက်ဆစ်ဂျပန် တော်လှန်ရေးနှင့် ပြန်လည် ၀င်ရောက်လာနိုင်သည့် ကိုလိုနီနယ်ချဲ့ကို ဆက်လက် လက်နက်စွဲကိုင် တိုက်ခိုက်ရေး အမြင်အပေါ် သဘောထားကွဲလွဲမှုသည် ရဲဘော်သုံးကျိပ်ဝင် အုပ်စုနှင့် အရေးတော်ပုံပါတီ၏ ယူနစ်ဂိုဏ်းဝင် ဂျပန်ခေတ် မင်္ဂလာဒုံစစ်ကျောင်းဆင်း စစ်ဗိုလ်ငယ်များ အကြားတွင် ပို၍ထင်ရှားလာခဲ့သည်ကို တွေ့ရပါသည်။ နောင်တွင် ရဲဘော်သုံးကျိပ်ဝင် အများစုမှာ လက်ဝဲကွန်မြူနစ်များ ဖြစ်လာကြ၍ ယူနစ်အုပ်စုဝင်များမှာ ဆိုရှယ်လစ်ဂိုဏ်းသားများ ဖြစ်လာကြပါသည်။ ၁၉၄၅ ခုနှစ် ဇူလိုင်လ ၂၀ တွင် ဒုတိယ ပါတီကွန်ဂရက်မှ ဗမာပြည် ကွန်မြူနစ်ပါတီကို ပြန်လည်ဖွဲ့စည်းရာတွင်လည်းကောင်း၊ ၁၉၄၅ စက်တင်ဘာလ ၁ ရက်တွင် ပြည်သူ့အရေးတော်ပုံပါတီမှ ဆိုရှယ်လစ်ပါတီအဖြစ် ပြန်လည်ဖွဲ့စည်းရာတွင် လည်းကောင်း၊ ဗိုလ်ချုပ်အောင်ဆန်းသည် မည်သည့်ပါတီတွင်မျှ ပါဝင်လာခြင်း မရှိတော့ဘဲ စစ်တပ်ဦးဆောင်သူ ဗိုလ်ချုပ်အဖြစ် ရပ်တည် ကျန်ရစ်ခဲ့သည်ကို တွေ့ရသည်။ သို့သော် ၁၉-၈-၄၅ တွင် ဖွဲ့စည်းသော ဖတပလအဖွဲ့ချုပ် ဥက္ကဋ္ဌ တာဝန်ကိုမူ ကိုယ်ပိုင်ပါတီမရှိဘဲ ရယူထားသည်ကို တွေ့ရသည်။
ထို့ပြင် ၄-၉-၄၅ သီဟိုဠ်ကျွန်း (သီရီလင်္ကာနိုင်ငံ) ကန္ဒီမြို့၌ မျိုးချစ်ဗမာ့တပ်မတော်ကို အမြဲတမ်း ဗမာ့တပ်မတော်အဖြစ် ပြောင်းလဲသည့်အခါ မိမိသည် တပ်မတော်မှ အထွက်ပြ၍ နိုင်ငံရေးလောက ၀င်ရန် ပြင်ဆင်ထားပြီးဖြစ်သော ဗိုလ်ချုပ်အောင်ဆန်းသည် ယခင်က မိမိပါဝင်ခဲ့သော အထက်ပါပါတီ ၂ ခုလုံးတွင် ပါဝင်ခြင်းမရှိဘဲ နိုင်ငံရေးလောကတွင် တကိုယ်တော် ရပ်တည်ခဲ့ခြင်းမှာ စာဖတ်သူများ အတွေးနယ်ချဲ့သင့်သော အကြောင်းတရပ် ဖြစ်လာပါသည်။ ၂၇-၁၀-၄၅ တွင် စစ်တပ်မှ တရားဝင်နှုတ်ထွက်၍ နိုင်ငံရေးနယ်ပယ်သို့ ၀င်ရောက်လာသော ဦးအောင်ဆန်းသည် ၁-၁၂-၄၅ တွင် နိုင်ငံရေးပါတီ မဟုတ်သော “ပြည့်သူ့ရဲဘော်တပ်ဖွဲ့”ကို စစ်သေနာပတိနှင့် ဥက္ကဋ္ဌနေရာ ရယူဖွဲ့စည်း ထူထောင်ခဲ့သည်ကို တွေ့ရပြန်သည်။ အဆိုပါ ပြည်သူ့ရဲဘော်တပ်ဖွဲ့ဆိုသည်မှာ လွတ်လပ်ရေးတိုက်ပွဲဝင် ရဲဘော်ဟောင်းများချည်း မဟုတ်၊ ပြည်သူထဲမှ လူသစ်အမျိုးသား၊ အမျိုးသမီးများကိုလည်း လက်ခံသည်ဟု သိရသည်။ တပ်ပုံသဏ္ဍာန် ဖွဲ့စည်းထားပြီး ပါတီလည်း မဟုတ်သဖြင့် အချိန်မရွေး ဦးအောင်ဆန်း၏ ကိုယ်ပိုင်တပ် ဖြစ်လာနိုင်သော အခြေအနေသည် လွတ်လပ်ရေး ရခါနီး မြန်မာ့နိုင်ငံရေး အခင်းအကျင်းတွင် ထင်ရှားပေါ်ပေါက်ခဲ့သည်ကတော့ အမှန်ပင်ဖြစ်ပါသည်။
ပြည့်သူ့ရဲဘော်အဖွဲ့သည် ၀ါဒသဘောတရားနှင့် လုပ်ငန်း လမ်းညွှန်ချက်မရှိ ပုဂ္ဂိုလ်ရေး ကိုးကွယ်မှု အပေါ် အခြေတည် ဖွဲ့ထားသဖြင့် ခေတ်သစ်အာဏာရှင် စနစ်တရပ် ထူထောင်ဖို့အတွက် ရည်ရွယ် ဖွဲ့စည်းလေရော့သလားဟု ထင်မှတ်ရပေသည်။ အထူးသဖြင့် ဗိုလ်ချုပ်သည် တူရကီ အမျိုးသား ခေါင်းဆောင်ကြီးနှင့် အာဏာရှင်အဖြစ် ကမ္ဘာကျော်ခဲ့သူ မူစတာဖါလ်ကီးမား၏ ပုံရိပ်ကိုဖော်ဖို့ ကြိုးစားခဲ့ဟန်ရှိသည်ဟု စာရေးသူ ယူဆပါသည်။ ပြည်သူ့ရဲဘော်သည် ဗိုလ်ချုပ်မရှိတော့သည့်အခါ ရဲဘော်ဖြူ၊ ရဲဘော်ဝါစသဖြင့် ပြည်တွင်းစစ်အတွင်း သင်းကွဲလက်နက်ကိုင် အဖွဲ့များ ဖြစ်သွားကြသည်ကို တွေ့ရပါသည်။ တရားဝင် ကိုယ်ပိုင်ပါတီ မရှိဘဲ အဖွဲ့ချုပ်ဥက္ကဋ္ဌ နေရာယူထားပြီး ကိုယ်ပိုင်တပ်ပုံစံအဖွဲ့တခုကို ပါတီပြင်ပတွင် တည်ထောင်လာသော ဦးအောင်ဆန်း၏ နိုင်ငံရေးအခင်းအကျင်းကို ပြိုင်ဘက်ပါတီဖြစ်စေ၊ မိတ်ဖက်ပါတီဖြစ်စေ၊ အားလုံးက ဂရုထားရမည့် ပုဂ္ဂိုလ်အနေအထားသို့ ဦးအောင်ဆန်း ရောက်ရှိနေသည်မှာလည်း ဦးအောင်ဆန်း ကိုယ်တိုင် ဖန်တီးသော ဦးအောင်ဆန်း၏ နိုင်ငံရေးကံကြမ္မာပင် ဖြစ်ပါသည်။ ထို့ပြင် ရန်သူမိတ်ဆွေအားလုံး ဦးအောင်ဆန်းအနီးတွင် ၀ိုင်းရံခွင့်ရှိနေသော အခြေအနေထူး တရပ်လည်း အမှန်ပင် ဖြစ်ပေါ်နေချိန် ဖြစ်ပါသည်။
အလားတူပင် တရားဝင် ဖွဲ့စည်းထားသော တပ်မတော်အား မိမိနှင့် မယားညီအစ်ကိုတော်သူ သခင်သန်းထွန်း၏ ကွန်မြူနစ်များ လက်ထဲလွှဲအပ်နိုင်ပြီး မိမိက ကာကွယ်ရေးဝန်ကြီး အာဏာကို ကိုင်စွဲလျက် အချိန်မရွေး ကိုယ်ပိုင်တပ်ပုံစံ ဖွဲ့နိုင်သည့် “ပြည့်သူ့ရဲဘော်တပ်ဖွဲ့” ကြီးကို ထူထောင်လာသူ ဦးအောင်ဆန်းအား လက်နက်ကိုင်တပ်မရှိသော အခြားပါတီ အဖွဲ့အစည်းများက ခေါင်းငုံ့လက်ပိုက် ကြည့်နေရမည့် အခြေအနေ တရပ်ဆီသို့ ထိုအချိန်က မြန်မာနိုင်ငံသည် ဦးတည်နေသည်ဟုပင် သုံးသပ်နိုင်ပါသည်။ ဦးစောက လက်နက်မရှိသော ဂဠုန်တပ်ဖွဲ့ကို ထူထောင်ထားသကဲ့သို့ ဒေါက်တာဘမော်ကလည်း သားမက်ဗိုလ်ရန်နိုင် အားကိုးဖြင့် ဒေါင်းနီတပ်ဖွဲ့ ထူထောင်ရန် ပြင်ဆင်နေသည်ကိုလည်း ထိုအချိန်တွင် လေ့လာတွေ့ရှိရပါသည်။
လွတ်လပ်ရေးအတွက် ပြည်တွင်းသူပုန်ထရေး တာဝန်ဖြင့် လက်နက်ကိုင် အတွေ့အကြုံ ရှိခဲ့ပြီး ဂျပန်ခေတ် မင်္ဂလာဒုံ ဗိုလ်သင်တန်းဆင်း ပုဂ္ဂိုလ်များနှင့် ကိုယ်ပိုင်တပ်ဖွဲ့ အသင့်တင့်ရှိလာပြီဖြစ်သော ဆိုရှယ်လစ်ပါတီ ဂိုဏ်းသားများကမူ အာဏာလိုချင်၍ ပါတီနိုင်ငံရေးထဲ ၀င်လာသူများသာဖြစ်ရာ မိမိတို့လက်ထဲ လက်နက်ရှိတပ် ရှိနေပြီဖြစ်၍ မိမိပြိုင်ဘက် ဦးအောင်ဆန်းအပေါ် မည်သို့ သဘောထားမည်ကို စဉ်းစားကြည့်နိုင်ပါသည်။
ကဗျာဆရာကြီး ဒဂုန်တာရာက ဦးအောင်ဆန်းကို အရိုင်းဟု တင်စားခဲ့ပါသည်။ ကိုလိုနီခေတ် နိုင်ငံရေး သမားဟောင်းကြီးများနှင့် နှီးနွယ်သော အသိုင်းအ၀ိုင်းကမူ ဦးအောင်ဆန်းနှင့် ပတ်သက်၍ မလိုတမာစိတ်ဖြင့် ပြင်းထန်သော ဝေဖန်သံကိုလည်း စာရေးသူ လူငယ်ဘ၀ကပင် ကြားဖူးပါ၏။ စာရေးသူတို့လူငယ်ဘ၀က ဗိုလ်ချုပ်နှင့် ပတ်သက်၍ ပါးစပ်ပြောပုံပြင်များဖြင့် တင်စား ပြောနေကြသည်ကို နိုင်ငံရေးသမားဟောင်း အချို့က နားခါးဟန်ဖြင့် “အောင်ဆန်းဆိုတာေ-ာက်ရမ်း တစောက်ကန်းကောင်ပါကွာ၊ အသေစောလို့ အာဇာနည်ဖြစ်တာ၊ အာဏာနိုင်ငံရေး၊ ပါတီနိုင်ငံရေးနယ်မှာ နည်းနည်းလေးပဲ အသက်ရှည်ခဲ့ရင် ဒီကောင် နိုင်ငံရေး မြောင်းပုတ်ထဲ ရောက်သွားမှာ မြင်ယောင်သေးတယ်။ မင်းတို့လည်း သူ့အကြောင်း အဲဒီကျမှသိမယ်” ဟု ပြောကြားသည်ကို ကြားခဲ့ဖူးပါသည်။ မိမိမမွေးခင်က အကြောင်းအရာများဖြစ်၍ ထိုပုဂ္ဂိုလ်များပြောသည်ကို မကြေမလည်နှင့် နားထောင်ခဲ့ရဖူးသည်။
ဒေါက်တာမောင်မောင်၏ ၁၉၈၈ အရေးအခင်းစာအုပ် ဒုတိယတွဲ စာမျက်နှာ ၃၈၅ တွင် “ဒဏ်ရာဟောင်းကို ပြန်ဆွမည့်အစား နာစရာတွေကို ကုစားကြပါစို့ ဟု ဦးနေ၀င်းက ၁၉၂၀ ပြည့်နှစ် တက္ကသိုလ်ကျောင်းသားများ သပိတ်ကို လူငယ်ဘ၀က ဦးဆောင်ခဲ့သည့် ကျောင်းသားဟောင်းကြီးများအား ဂုဏ်ပြုသည့် သပိတ်ရွှေရတုပွဲတွင် ပြောကြားခဲ့သည်” အစချီသော ရည်ညွှန်းစာမျက်နှာ၌ သပိတ်ကျောင်းသားဟောင်းကြီး ဦးဘဘေနှင့် ဗိုလ်ချုပ်အောင်ဆန်းအကြောင်းကို ဖတ်ရှုရသောအခါ နိုင်ငံရေးသံဝေဂ ယူစရာ၊ ဇာတ်လမ်းတပုဒ်ကို မှတ်သားလာမိပါသည်။ အောင်ဆန်း-အက်တလီ စာချုပ်ချုပ်စဉ်က အရေးပါသော အခန်းကဏ္ဍမှ အကူအညီပေးခဲ့ရသူ ဘကြီးဘဘေ တယောက် ၁၇-၁-၄၇ တွင် စာချုပ်ချုပ်ဆိုပြီး သူ့အခန်းကဏ္ဍ ကုန်ဆုံးသောအခါ ၁၉၄၇ မေလထဲတွင် ကုန်သွယ်ရေးဝန်ကြီးအဖြစ်မှ ဦးအောင်ဆန်း၏ အလုပ်ထုတ်ခြင်း ခံလိုက်ရသည်။ ထိုနေရာတွင် အစားထိုးဖို့ လူတယောက် နေရာအနှံရှာဖွေခဲ့ရာ ဦးအောင်ဆန်းသည် ၄င်း၏ဇာတိ နတ်မောက်မြို့မှ ကျောင်းဆရာ လုပ်နေသော သူ၏အစ်ကို ဦးဘ၀င်းအား တွေ့ခဲ့သည်။ ကြည့်ရသည်မှာ အစိုးရ၀န်ကြီးများမှ သူ့အစ်ကိုကို ခန့်ဖို့ ဦးအောင်ဆန်းအား ၀ိုင်းဝန်း အကြံပေးတိုက်တွန်း ခဲ့ပုံရသည်။ ဤနည်းအားဖြင့် မိသားစုအတွင်း ရာထူးပေးသည့် အလေ့အထသည် မရည်ရွယ်ဘဲ စတင်လာခဲ့သည်ဟု ဆိုရပေမည်ဟု ဖော်ညွှန်းထားသည်ကို ဖတ်ရှုရသည်။ အောင်ဆန်းကို ပါတီနိုင်ငံရေး၊ အာဏာနိုင်ငံရေး နယ်ပယ်မှာ နည်းနည်းလေးပဲ အသက်ရှည်ရှည်နေလိုက်ရင် မင်းတို့ သူ့အကြောင်း ကောင်းကောင်း သိလိမ့်မယ်လို့ ပြောသူများ ဘာကိုရည်ညွှန်းကြောင်း စာရေးသူ သဘောပေါက်ပါသည်။
ဗိုလ်ချုပ်၏အစ်ကို ဦးဘ၀င်းသည် ကုန်သွယ်ရေးဝန်ကြီး စားပွဲတွင် ၂ လခန့်သာ ထိုင်လိုက်ရပြီး ၁၉-၇-၄၇ တွင် ဗိုလ်ချုပ်နှင့်အတူ လုပ်ကြံခံရရှာသည်။ ဗိုလ်ချုပ်အောင်ဆန်း၊ ဦးဘ၀င်းတို့ ကျဆုံးရာ မိခင်ကြီး ဒေါ်စု နတ်မောက်မြို့မှ ရန်ကုန်သို့ လိုက်လာခဲ့ပြီး ဗိုလ်ချုပ်အလောင်းဘေးတွင် “အောင်ဆန်း … ငါ့သားကြီး ဘ၀င်းကို ရန်ကုန်ကိုခေါ်ပြီး သတ်တာ နင်ပဲ” ဟု အမေစုသည် ရင်ထုမနာ ငိုကြွေးပြောဆိုခဲ့သည်ဟု တဆင့်စကား မှတ်သားဖူးပါသည်။ ၁၀-၅-၄၇ နေ့က ဗိုလ်ချုပ်ကိုယ်တိုင် သတင်းစာရှင်းလင်းပွဲလုပ်၍ အလုပ်ထုတ်ပစ်ခြင်းခံရသော ကုန်သွယ်ရေးဝန်ကြီးဟောင်း ဘကြီးဘဘေ တယောက် မိမိထိုင်ရမည့် ကုလားထိုင်တွင် ထိုင်လျက် မိမိကိုယ်စား အသတ်ခံသွားရသော ဦးဘ၀င်းနှင့် ဗိုလ်ချုပ်တို့ ညီအစ်ကို၏ ကံကြမ္မာသည် မိမိဘ၀နှင့် မည်သို့ဆက်စပ်ပုံကို စဉ်းစားရင်း ၀မ်းနည်းနေမည်လား၊ ၀မ်းသာနေမည်လားဆိုသည်မှာ စိတ်ဝင်စားစရာ ကောင်းလှပါ၏။
ဦးအောင်ဆန်း ကိုယ်တိုင်လည်း မိမိသည် နိုင်ငံရေးလောကတွင် လူမုန်းများနေသည်ဟု ခံစားရပြီး ကြာကြာခံတော့မည် မဟုတ်ကြောင်း၊ နောက်ထပ် ၁၈ လထက် ပိုနေရဖို့ တွက်မထားပါဘူး ဟု ၁၉၄၆ နှစ်ဦးပိုင်းတွင် ထိုအချိန်က ဘုရင်ခံဖြစ်သော ဆာရဂျီနယ်ဒေါ်မန်စမစ်အား နှစ်ကိုယ်ကြား ပြောခဲ့ကြောင်း ဗိုလ်ချုပ်အောင်ဆန်းကို ဘယ်သူသတ်သလဲ စာအုပ် စာမျက်နှာ ၁၅၆ တွင် ဖော်ပြထားပါသည်။ ထိုစာအုပ် စာမျက်နှာ ၁၅၅ တွင် ဦးအောင်ဆန်း လုပ်ကြံခြင်း မခံရမီကပင် မြန်မာမျိ်ုးချစ်များ၏ စစ်အတွင်း ခေါင်းဆောင်ဖြစ်သော ဒေါက်တာဘမော်က “သေနတ်ကိုးကွယ်မှုဟာ အစွဲအလမ်းကြီးနေတဲ့ အရာကို ကိုးကွယ်သလို ဖြစ်လာတယ်။ ဂျပန်တွေဆီက မြန်မာတွေ နှစ်ချက်လေ့လာခဲ့ရတယ်။ လူစုလူဝေး အစည်းအရုံးကို အခြေခံတဲ့ခေါင်းဆောင်မှုနည်း အတတ်ပညာနဲ့ လက်နက်တပ်ဆင်ထားသူများရဲ့ အာဏာနဲ့ တင့်တယ်မှုဖြစ်တယ်။ မြန်မာနိုင်ငံရဲ့ အနာဂတ်ကို ရွေးချယ် တင်မြှောက်ပွဲတွေက ဆုံးဖြတ်မှာမဟုတ်ဘဲ သေနတ်က ဆုံးဖြတ်မှာ ဖြစ်တယ်။ မြန်မာ့နိုင်ငံရေးမှာ ခင်ဗျားတို့ လိုအပ်တာက နိုင်မယ့်ဘက်က စ,မိဖို့နဲ့ သေနတ်တွေ အမြောက်အများရှိဖို့ပဲ” ဟု မှတ်ချက်ချခဲ့ဖူးသည်ကို ထုတ်နှုတ်ရေးသားထားပြီး “ဒေါက်တာဘမော်၏ အကောင်း မမြင်သော ကြိုတင်နိမိတ်ဖတ်မှုသည် ဦးစောနှင့် တကယ်လက်တွေ့ ဖြစ်လာခဲ့သည်။ နန်းစဉ်မကိုဋ်ကို အရယူ နန်းတက်နိုင်ရေးအတွက် ပြိုင်ဘက်ဟူသမျှကို လုံးဝဥဿုံ ရှင်းပစ်သည့် သုတ်သင်ရေးကို မြန်မာအာဏာရူးများ ယနေ့တိုင် ကျင့်သုံးလျက် ရှိသည်” ဟု ရေးသား ဖော်ပြထားပါသည်။

Read more »

ဗိုလ်ချုပ်အောင်ဆန်း လုပ်ကြံခံရမှု ,

{[['']]}

နယ်မြေ စိုးမိုးရေး စီမံကိန်း နေပြည်တော် အစိုးရထံ SSPP/SSA မေးခွန်းထုတ်

နယ်မြေ စိုးမိုးရေး စီမံကိန်း နေပြည်တော် အစိုးရထံ SSPP/SSA မေးခွန်းထုတ်
သျှမ်းသံတော်ဆင့်
ဂျူလိုင် ၁၉ ရက် ၂၀၁၄
သဘောတူညီချက်များအား သျှမ်းပြည်တပ်မတော် SSPP/SSA ဖေါက်ဖျက်သည်ဟု အစိုးရ၏ ဒုတိယ ကာကွယ်ရေး ဝန်ကြီး ဗိုလ်ချုပ် ကျော်ညွန့်စွပ်စွဲပြီးနောက်ပိုင်း - ‘ မြန်မာ့တပ်မတော်၏ နယ်မြေစိုးမိုး ရေး ဆောင်ရွက်နေခြင်းသည် လက်နက်ကိုင်ပဋိပက္ခများကို လျှော့ချနိုင်ပါမည်လော’ ဆိုသည့်မေးခွန်း အား သျှမ်းပြည်တပ်မတော် SSPP/SSA က နေပြည်တော်အစိုးရထံ မေးခွန်းထုတ် လိုက်ခြင်းဖြစ်သည်။
မြန်မာ့တပ်မတော်မှထိုးစစ်ဆင်ကာ နယ်မြေစိုးမိုးရေးဆောင်ရွက်နေခြင်းသည် လက်နက်ကိုင် ပဋိပက္ခ များကို လျှော့ချနိုင်ပါမည်လော။နှစ်ပေါင်း ၆၀ ကျော်တဘက်နှင့်တဘက် ယုံကြည်မှု ပျက်ပြားလာနေ သည် ကို ယုံကြည်မှုရရှိလာအောင် တည်ဆောက်နိုင်ပါမည်လော ဆိုသည်ကို လေးလေးနက်နက် စဉ်း စားဖြေ ကြား ပေးစေလိုပါသည်။ အပစ်အခတ်ရပ်စဲရေးစာချုပ်လက်မှတ်ရေးထိုးခဲ့သည့် ၂ နှစ်ကျော် ကာလ အတွင်းတပ်မတော်၏ နယ်မြေစိုးမိုးရေးအကြောင်းပြသော စစ်ဆင်ရေးများသည် ပြည်သူလူထု များ အကျိုးအတွက်လော သို့မဟုတ် လူတဦးတယောက်၏ အကျိုးအတွက်လော ။လူတစု၏အကျိုး အတွက် လော- ဟူသည့် နေပြည်တော် အစိုးရ ကိုမေးထားသည့် မေးခွန်းများပါဝင်သော သဘောထား ထုတ်ပြန်ကြေငြာချက်တစောင်ကို SSPP/SSA မှ ဂျူလိုင် ၁၈ ရက် စွဲဖြင့် ထုတ်ပြန်လိုက်ခြင်းဖြစ်သည်။
ဂျူလိုင် ၁၅ ရက်နေ့က ပြည်ထောင်စု ကာကွယ်ရေးဝန်ကြီးဌာန ဒုတိယ ဝန်ကြီး ဗိုလ်ချုပ်ကျော်ညွန့်က - “တပ်မတော်အနေဖြင့် ငြိမ်းချမ်ရေးဆောင်ရွက်ရာတွင် မူ ၆ ချက်ချမှတ်ဆောင်ရာ - တပ်မတော် စစ် ကြောင်း နယ်မြေစိုးမိုးရေးဆောင်ရွက်သည့် နယ်မြေတွင် SSA (ဝမ့်ဟိုင်း) အဖွဲ့က အဆိုပါနယ်မြေ အတွင်း ဝင်ရာက်လာခြင်း၊ တပ်မတော် စစ်ကြောင်းများအား အလစ်ငိုက်တိုက်ခိုက်ခြင်း၊ သဘောတူ ညီသည့် ကတိကဝတ်များ အကြိမ်ကြိမ်ဖေါက်ဖျက်နေခြင်း ” --- စသဖြင့် ပြောဆိုစွပ်စွဲခဲ့ခြင်းဖြစ်သည်။
ထိုအခြေအနေကြောင့် ယနေ့တိုင် သျှမ်းပြည်တောင်ပိုင်း ကျေးသီးမြို့နယ်အတွင်း အစိုးရ တပ်မတော် နှင့် သျှမ်းပြည်တပ်မတော် SSPP/SSA တို့ စစ်ရေးအထူးတင်းမာနေဆဲဖြစ်သည်။
ထို့ကြောင့် သျှမ်းပြည်တပ်တော် SSPP/SSA အနေဖြင့် - ပင်လုံကတိဖေါက်ဖျက်မှုကြောင့် နှစ်ပေါင်း ၆၀ ကျော် တိုင်းရင်းသားပြည်သူအတိဒုက္ခရောက်နေရေး၊ ပြည်နယ်အဆင့် ပြည်ထောင်စု အဆင့် သဘောတူ ညီချက်များ တိကျစွာလိုက်နာဆောင်ရွက်ရေး --- စသည့်အချက်အများအပြင် ဒု-ကာကွယ် ရေး ဝန်ကြီး ဗိုလ်ချုပ်ကျော်ညွန့် မှ လွှတ်တော်အတွင်း ဖြေရှင်းချက်များသည် ဒေသအတွင်းဖြစ်ရပ် နှင့် ပြဒါးတလမ်း သံတလမ်းဖြစ်နေကြောင်း - ဖြေရှင်းချက် ၇ ချက် နှင့်အတူ သဘောထား ၅ ချက် ထုတ်ပြန်ကြေငြာခဲ့သည်။
သဘောထား ၅ ချက်မှာ - အပစ်အခတ်ရပ်စဲရေး ဆောင်ရွက်ရမည်၊ အပစ်အခတ်ရပ်စဲရေး ခိုင်မာမှု ရရှိစေရန် - နှစ်ဘက်နေထိုင်ရသည့်နေရာများ သတ်မှတ်ရမည်၊ လိုက်နာရမည့်ကျင့် ဝတ်များရေး ဆွဲရမည်၊ သဘောတူညှိနှိုင်းရန် ရက်သတ်မှတ်ရမည် ၊ ငြိမ်းရေးဆိုင်ရာဆွေးညှိနှိုင်းရေး မူဘောင် ရေးဆွဲရမည်၊ နှစ်ဘက်သဘောတူလက်ခံမည့်အခြေအနေအောက်တွင် နိုင်ငံရေး စေ့စပ်ညှိနှိုင်းရမည်၊ နိုင်ငံရေးဆွေးနွေးညှိနှိုင်းရေး ခေါင်းဆောင်မှုပေးနိုင်သည့် ပြည်ထောင်စု ငြိမ်းချမ်းရေးဆွေးနွေးမှု ပူးပေါင်းဆောင်ရွက်ရေးကော်မတီ ဖွဲ့စည်းပြီး နိုင်ငံရေးဆွေးနွေးမှု ပြုလုပ်ဆုံးဖြတ်သွားရန် စသည်တို့ ဖြစ်သည်။
===========
ကြုံတွေ့ရ ပြဿနာများ SSPP/ SSA မှ ငြိမ်းချမ်းစွာ ဖြေရှင်း လိုမှု မရှိဟု ဒု- ကက ဝန်ကြီး ပြော
ဂျူလိုင်လ 19 ရက် 2014 ခုနှစ်
သျှမ်းသံတော်ဆင့်
နယ်မြေ စိုးမိုးရေး ဆောင်ရွက်နေသည့် နယ်မြေခံ တပ်မတော် စစ်ကြောင်းများအား SSA (ဝမ်ဟိုင်း) အဖွဲ့က အလစ်ငိုက် တိုက်ခိုက်မှုမှာ SSA (ဝမ်ဟိုင်း) မှ ပြဿနာများအား ငြိမ်းချမ်းစွာ ဖြေရှင်းလိုမှု မရှိဟု နေပြည်တော် အစိုးရ ကာကွယ်ရေးဝန်ကြီးဌာန ဒုတိယ ဝန်ကြီး ဗိုလ်ချုပ် ကျော်ညွန့်က လွှတ်တော် အတွင်း ပြောကြား လိုက်သည်။
၂၀၁၄ ဂျူလိုင် ၁၅ ရက်က ဝမ့်ဝပ်ကျေးရွာအုပ်စု စစ်ဘေးရှောင်သူများ အေးချမ်းစွာပြန်လည်နေထိုင်ရေး လုပ်ကိုင်စားသောက်နိုင်ရေး၊ ပြန်လည်ထူထောင်ရေးလုပ်ငန်းများ အမြန်ဆုံးကူညီဖြေရှင်း ဆောင် ရွက်ပေးပါရန် ပြည်ထောင်စုအစိုးရအား လွှတ်တော်အတွင်းအရေးကြီးအဆိုတရပ်ကို ကျေးသီးမြို့နယ် ပြည်သူ့လွှတ်တော်အမတ် စိုင်းအွမ်ဆိုင်မှိုင်းက တင်သွင်းရာ ပြည်ထောင်စု ကာကွယ်ရေးဝန်ကြီးဌာန ဒုတိယ ဝန်ကြီး ဗိုလ်ချုပ်ကျော်ညွှန့်က - SSA (ဝမ်ဟိုင်း)အဖွဲ့သည် ပြဿနာများအား ငြိမ်းချမ်းစွာ ဖြေရှင်းလိုမှု မရှိဘဲ ဒေသခံတိုင်းရင်းသားအရေးကို ခုတုံးလုပ် အကာအကွယ်ရယူပြီး တစ်ဖက်လှည့် ဆောင်ရွက် လာခြင်း သာဖြစ်သည် ဟု စွပ်စွဲ ပြောဆိုလိုက်သည်။
“အပစ်ရပ်ပြီး ယုံကြည်မှုတည်ဆောက်နေတဲ့ကာလ၊ နိုင်ငံရေးဆွေးနွေးပွဲဆီကို သွားနေတဲ့ကာလမှာ အစိုးရတပ်မတော်က ကျနော်တို့တွေအပေါ် ဆီယိုပေါက်ရှာနေသလို အကြောင်းမရှိ အကြောင်းရှာပြီး ကျနော်တို့ တပ်ဖွဲ့ကို တိုက်ခိုက်တဲ့ အကြိမ်ပေါင်းမနည်းတော့ဘူး။ ကျနော်တို့ဘက်ကနေ စ တိုက်တာ ဘယ်တော့မှ မရှိခဲ့ဖူးဘူး။ ကျနော်တို့ နယ်ကျွံတယ်ပြောတယ်။ အပစ်မရပ်ခင်ကတည်းက တာ့ဖါဆောင်မှာ ကျနော်တို့နေတယ်။ လူထုအတွက် တံတားဆောက်ပေးတယ်။ အစိုးရတပ်က ရေနံဆီလောင်းမီးရှို့ ဖျက်ဆီးလိုက်တယ်။ အပစ်ရပ်ပြီးတော့ အဲဒီတံတား ကျနော်တို့ ပြန်ဆောက်ပေးတယ်လူထုအတွက်။ တံတားလုံခြုံရေးအတွက် ကျနော်တို့တပ်စခန်းချထားတယ်။ အဲဒါကို ဖယ်ပေးဖို့ ထပ်လာပြောတယ်။ ဒါကျတော်တို့ မွေးရပ်မြေဗျာ။ စဉ်းစားကြည့်ပေါ့။”ဟု SSPP အထွေထွေ အတွင်းရေးမှူး စဝ်ခွန်ဆိုင် ကပြောသည်။
၂၀၁၂ ဂျန္နဝါရီ ၂၈ ရက်နေ့တွင် သျှမ်းပြည်တိုးတက်ရေးပါတီ နှင့် အစိုးရတို့ ပြည်ထောင်စု အဆင့်ငြိမ်းချမ်း ရေး လက်မှတ်ရေးထိုးစဉ် UPWC ဒုဥက္ကဌ (၂) ဦးသိန်းဇော် မှ ‘ငြိမ်းချမ်းရေးလက်မှတ်ရေးထိုးပြီး ၅ ရက် အတွင်း သျှမ်းပြည်တပ်မတော်နယ်မြေအတွင်း အစိုးရတပ်များအားလုံး တပ်နှုတ်ဖယ်ရှားပေးပါမည်’ ဟု သျှမ်းပြည်တပ်မတော် အဆင့်မြင့်ကိုယ်စားလှယ်သို့ နှုတ်ကတိပေးခဲ့ဖူးသည်ဟုလည်း စဝ်ခွန်ဆိုင် က ပြောသည်။
=======
NCCT အဖွဲ့ဝင် လက်နက်ကိုင် ထိပ်သီး အစည်းအဝေးသို့ CNF တက်ရောက်မည်
Saturday, July 19th, 2014
ခိုနူမ်းထုန် သတင်းဌာန
ယခုလ ဇူလိုင် ၂၄ ရက်နေ့မှ စတင်ကျင်းပမည့် Nation Wide Cease fire Coordination Team (NCCT) အဖွဲ့ဝင် လက်နက်ကိုင် ထိပ်သီး အစည်းအဝေးသို့ ချင်း အမျိုးသားတပ်ဦး ( CNF) မှ ထိပ်သီးခေါင်းဆောင် (၅) ဦး တက်ရောက် ကြမည်ဟု သိရသည်။
ကေအိုင်အို ( KIO) ဗဟိုဌာနချုပ် လိုင်ဇာတွင် ကျင်းပမည့် အဆိုပါ အစည်းအဝေးသို့ ချင်းအမျိုးသားတပ်ဦး အလှည့် ကျ ဥက္ကဌ ဒေါက်တာဇလှေထန်း အပါအ၀င် အထွေထွေအတွင်းရေးမှူးချုပ် ပူး ဇင်ကျုံး၊ အဓိပတိကောင်စီဝင်များ ဖြစ် သည့် ပူး ထန်ယဲန် နှင့် ပူး ထန်းနိန်ကီး၊ နိုင်ငံခြားရေးအတွင်းရေးမှူး ဆလိုင်း တလာဟဲတို့ တက်ရောက်ကြမည် ဖြစ် သည်။
” အစည်းအဝေးကို နှစ်ကြိမ်နဲ့ ကျင်းပသွားမှာပါ၊ NCCT အဖွဲ့ဝင် ထိပ်သီးအစည်းအဝေးနဲ့ တိုင်းရင်းသားလက်နက် ကိုင်တော် လှန်ရေးထိပ်သီးအစည်းအဝေး ဆိုပြီး ရှေ့ ဆင့်နောက်ဆင့် နဲ့ ကျင်းပဖို့ဖြစ်ပါတယ်” ဟု CNF ဆိုင်ရာ ယူ အဲန်အက်ဖ်စီ ကောင်စီဝင် ဆလိုင်းတလာဟဲ က ပြောသည်။
ဆက်လက်ပြီး UPWC နဲ့ NCCT သဘောတူညီချက်မူကြမ်းကို NCCT အဖွဲ့ဝင်တဖွဲ့ချင်းစီမှာ ပြန်လည်သုံးသပ်ကြပြီး အဆိုပါ တဖွဲ့ ချင်းစီက သုံးသပ်ပြင်ဆင်ချက်တွေ ကို ယခု အစည်းအဝေးမှာ အသေးစိပ်ပြန်လည်ဆွေး နွေးကြမှာဖြစ် ကြောင်း ဆက်ဆိုသည်။
ယခု ကျင်းပမည့်အစည်းအဝေးမှာ ပြည်ထောင်စုငြိမ်းချမ်းရေးလုပ်ငန်းကော်မီတီ ( UPWC) နှင့် NCCT တို့ ရေးဆွဲထား သည့် နိုင် ငံတော် အစိုးရနှင့် တိုင်းရင်းသား လက်နက်ကိုင်အဖွဲ့အစည်းများအကြား အပစ်အခပ်ရပ်စဲရေးဆိုင်ရာ ဒုတိယ မူကြမ်း ကို ပြန်လည် သုံးသပ်ရေးဆွဲကြမည်ဟု သိရသည်။
NCCT အဖွဲ့ဝင် ထိပ်သီးအစည်းအဝေးနဲ့ တိုင်းရင်းသားလက်နက် ကိုင်တော်လှန်ရေးထိပ်သီးအစည်းအဝေးသို့ တက် ရောက်မည့် ယခုလ ဇူလိုင်လ ၁၆- ၁၉ အကြား ကျင်းပသည့် အဓိပတိ ကောင်စီ နှင့် ဗဟိုအလုပ်အမှုဆောင်ကော် မီတီအစည်းအဝေး က ရွေးချယ် ခဲ့ကြသည်။
ပြည်ထောင်စုငြိမ်းချမ်းရေးလုပ်ငန်းကော်မီတီ ( UPWC) နှင့် NCCT တို့ ရေးဆွဲထား သည့် နိုင်ငံတော်အစိုးရနှင့် တိုင်း ရင်းသား လက်နက်ကိုင်အဖွဲ့အစည်းများအကြား အပစ်အခပ်ရပ်စဲရေးဆိုင်ရာ ဒုတိယ မူကြမ်းတွင် အချက် ၃၃ ချက်ပါ ၀င်သည်။

Read more »

နယ်မြေ စိုးမိုးရေး စီမံကိန်း နေပြည်တော် အစိုးရထံ SSPP/SSA မေးခွန်းထုတ် ,

{[['']]}

*ကရင်အမျိုးသားအာဇာနည်နေ့* (မန်းထိန်ဝင်းစိန်)

Jeff PoeKwar Saw‎မျိုးဆက်သစ်တိုင်းရင်းသားလူငယ်များကွန်ရက်

*ကရင်အမျိုးသားအာဇာနည်နေ့* (မန်းထိန်ဝင်းစိန်)
၂၀၁၄ခုနှစ်၊ သြဂုတ်လ (၁၂)ရက်နေ့သည် ကေအဲန်ယူ-ကရင့်အမျိုးသားအစည်းအရုံး ခေါင်းဆောင် စောဘဦးကြီး ကျဆုံးသည့် (၆၄)နှစ်မြောက်နေ့ဖြစ်ပြီး ၎င်းနေ့မှာ ကရင်အမျိုးသား အာဇာနည်နေ့ ဖြစ်သည်။ စောဘဦးကြီးသည် ကရင်ပြည်နယ်၊ ကော့က ရိတ်မြို့နယ်၊ ထို့ကော်ကိုးကျေးရွာ လယ်တဲတစ်ခုတွင် စခန်းချနေစဉ် ထီစွမ်းရွာသား မောင်အဲဆိုသူ သစ္စာဖောက်တစ်ဦး၏ သတင်းပေးမှုကြောင့် နဘူးတွင် စခန်းချနေသည့် အစိုးရတပ်မှ သတင်းရရှိကာ တိုက်ခိုက်ခံရပြီး ကျဆုံးခဲ့ရခြင်း ဖြစ်သည်။
သူ မကျဆုံးမှီ စောဘဦးကြီးမူဟု ကျော်ကြားနေခဲ့သော ၎င်း၏ မူလေးချက်ကို ချမှတ်ခဲ့ပြီး မော်ချီးမြို့ရှိ ကော်သူးလေ အသံလွှင့် ဋ္ဌာနတွင် ကြေညာခဲ့သည်။
၎င်းမူလေးချက်မှာ -
(၁) လက်နက်ချစကား အလျင်းမပြောရ
(၂) ကရင့်လက်နက် ကရင့်လက်ထဲ ရှိရမည်
(၃) ကရင်ပြည်နယ် အပြည့်အ၀ ရစေရမည်
(၄) ကရင့်ကံကြမ္မာ ကရင်ဖန်တီးခွင့် ရှိရမည်ဟူ၍ ဖြစ်သည်။
စောဘဦးကြီးသည် ဧရာဝတီတိုင်း၊ ပုသိမ်မြို့နယ် ဘဲဂရက်ရွာ၌ ၁၉၀၃ခုနှစ်၊ အောက်တိုဘာလ (၇)ရက်နေ့တွင် ဖခင်ဖြစ်သူ လယ်ပိုင်ရှင် ရွာသူကြီး စောသာမြတ်နှင့် မိခင် နော်အေးနုတို့မှ ဖွားမြင်သည့် မွေးချင်း (၄)ဦးအနက် ဒုတိယသားဖြစ်သည်။ အထက်တန်းပညာကို မော်လမြိုင်မြို့ မစ်စတာ ၀က်ဒက်(စ်)စမွန် အထူးအင်္ဂလိပ် အထက်တန်းကျောင်းတွင် သင်ယူခဲ့ပြီး အထက်တန်းပညာ အောင်မြင်ပြီးနောက် အင်္ဂလန်သို့ သွားပြီး ဥပဒေပညာကို သင်ယူခဲ့သည်။ ၎င်းနှင့်အတူ ညီဝမ်းကွဲတော်သူ စောဖေသာလည်း ပါဝင်ခဲ့သည်။ ထိုအချိန်တွင် စောဘဦးကြီးအသက်မှာ ၁၇နှစ်ပင် မပြည့်သေးချေ။ အင်္ဂလန်တွင် ဥပဒေပညာ ကို သင်ယူနိုင်ရန် အင်္ဂလိပ်စာတစ်ခုတည်း တတ်ရုံနှင့် မဖြစ်သေးဘဲ လက်တင်စာကိုပါ တတ်မြောက်ရန် လိုအပ်သဖြင့် စောဘ ဦးကြီးသည် လက်တင်ဘာသာကို ခြောက်လအတွင်း သင်ယူတတ်မြောက်ခဲ့သည်။
၁၉၂၂ခုနှစ်၊ အောက်တိုဘာလတွင် ကင်းဘရစ် (Cambridge University ) နှင့် အော့ခ်စ်ဖို့ဒ်တက္ကသိုလ် (OXFORD) ၏ မဂ်ဒ လင်းကောလိပ် (Magdalene College) တွင် စောဘဦးကြီး ကျောင်းဝင်ခွင့်ရခဲ့ပြီး ၁၉၂၈ခုနှစ်တွင် ဥပဒေပညာဘွဲ့ ကို ရရှိခဲ့ သည်။ အင်္ဂလန်နှင့် ဗြိတိသျှ အင်ပါယာတစ်ခုလုံး အထက်တရားရုံးများတွင် ရှေ့နေလိုက်နိုင်ရန် လန်ဒန်မြို့ မစ်ဒဲတင်ပယ် (Midd le Temple)တွင် ဥပဒေပညာ ထပ်သင်ယူပြီး ၁၉၂၉ခုနှစ်တွင် အင်္ဂလန်နိုင်ငံ၏ အဆင့်မြင့်ဆုံး ဥပဒေပညာရှင် (Barrrister At Law) ဖြစ်လာခဲ့သည်။
သူသည် လန်ဒန်တွင် ပညာသင်ကြားနေစဉ် လူငယ်သဘာဝ နှလုံးသားအလိုကို လိုက်ခဲ့မိ၍ လန်ဒန်သူ (Renee Rose Kemp) အကြောင်းပါခဲ့ပြီး ၁၉၃၆တွင် လက်ထပ်လိုက်ကြရာ ပထမသား မိုက်ကယ်သီအိုဒို (Michael Theodors) နှင့် ဒုတိယသမီး သဲလ်မာရီဇာ (Thelma Resa) ထွန်းကားခဲ့သည်။ ဒုတိယသမီးမွေးပြီး မြန်မာပြည်သို့ ပြန်လာကာ ပုသိမ်မြို့ ကန်သုံးဆင့်အရပ် တွင် နေထိုင်ရင်း ရှေ့နေအလုပ်ဖြင့် အသက်မွေးဝမ်းကျောင်း ပြုခဲ့သည်။ ထိုအချိန်တွင် ၀တ်လုံတော်ရ စောဘဦးကြီးသည် လူသိနည်းသေးသည့်အချိန် ဖြစ်သည်။ ရှမ်းပြည်၊ သီပေါနယ်မှ စော်ဘွားမျိုးနွယ် စောကွမ်ဘီ လုပ်ကြံခံရသည့် အမှုနှင့်ပတ်သက် ၍ စော်ဘွားကြီး၏တူ စောသီဟအား ဖမ်းဆီး၍ ရုံးတင်တရားစွဲရာ စောဘဦးကြီးက တရားခံ စောသီဟဘက်မှ အမှုလိုက်ပေးရာ ကွင်းလုံးကျွတ် လွတ်မြောက်သွားခဲ့ရာမှ စောဘဦးကြီးလည်း တစ်ဟုန်ထိုး နာမည်ကျော်ကြားခဲ့သည်။ စောဘဦးကြီးသည် ဖခင် စောသာမြတ်မရှိသည့် နောက်ပိုင်းတွင် ၀တ်လုံအလုပ်ဖြင့် အသက်မွေးဝမ်းကြောင်းပြုရင်း အားလပ်သည့်အချိန်များတွင် ဘဲဂ ရက်ရွာသို့ပြန်၍ ဖခင်ကြီး၏ စီးပွားရေးလုပ်ငန်းများကိုလည်း စီမံဆောင်ရွက်ပေးခဲ့ရသည်။
ဂျပန်များ မြန်မာပြည်တွင်းသို့ ၀င်လာချိန် တစ်နေ့တွင် စောဘဦးကြီးသည် ဘဲဂရက်ရွာတွင် ဖခင်၏ စီးပွားရေးလုပ်ငန်းများကို ကြီးကြပ်လုပ်ကိုင်ပြီး မိသားစုရှိရာ ပုသိမ်မြို့သို့ ပြန်လာရာတွင် ဇနီးသည် (Renee Rose Kemp) နှင့် သားသမီးတို့အား မတွေ့ရ ဘဲ ဇနီးသည်မှ (မိတ်ဆွေတစ်ဦး၏ အကူအညီဖြင့် စစ်ဘေးဒုက္ခသည်အဖြစ် ရခိုင်မှတစ်ဆင့် အိန္ဒိယ၊ ထိုမှတစ်ဆင့် လန်ဒန်သို့ ပြန်သွားမည်ဖြစ်ကြောင်း စစ်ကြီးပြီးမှ ပြန်လည်ဆုံတွေ့မည် ) ဟူသော စာတိုကလေးတစ်ရွက်သာ စောဘဦးကြီးကို ဆီးကြိုနေခဲ့ သည်။ ဂျပန်ခေတ်က အင်္ဂလန်တွင် ဥပဒေပညာအတူ သင်ယူခဲ့သည့် ညီဝမ်းကွဲစောဖေသာသည် ၎င်း၏ဇနီး စကော့တလန်သူ ဂျင်း(Jean) နှင့် သားငယ် ဒေါက်ကလပ်စ် (Dauglas) တို့မှာလည်း မြောင်းမြမြို့တွင် BIA တပ်၏ ရက်ရက်စက်စက် သတ်ဖြတ် ခြင်းကို ခံခဲ့ရသည်။ စောဖေသာသည် အင်္ဂလိပ်အစိုးရလက်ထက်တွင် ၀န်ကြီးတစ်ဦး ဖြစ်ခဲ့သည်။
၁၉၄၇ခုနှစ်၊ ဧပြီလ (၂၀)ရက်နေ့ ကေအဲန်ယူ အရေးပေါ် ညီလာခံတွင် စောဘဦးကြီးသည် ကေအဲန်ယူ ဥက္ကဌအဖြစ် ရွေးချယ်ခံ ခဲ့ရပြီး ကရင်တိုင်းရင်းသားအကျိုးကို တစိုက်မတ်မတ် ဆောင်ရွက်ခဲ့သည်။ ဂျပန်ဝင်လာစ ဖြစ်ပွားခဲ့သည့် ကရင်-ဗမာ အဓိက ရုဏ်းတွင် ၀န်ကြီးချုပ်ဦးနု၊ သခင်သန်းထွန်းတို့နှင့် ငြိမ်းချမ်းရေးဆောင်ရွက်မှု များစွာ ပါဝင်ခဲ့သည်။
စောဘဦးကြီး၏ စွန့်လွှတ်မှုဂုဏ် (၇)ပါး
၁။ နိုင်ငံနှင့် လူမျိုးအတွက် ပညာကိုစွန့်ခြင်း
စောဘဦးကြီးသည် အင်္ဂလန်နှင့် ဗြိတိသျှအင်ပါယာတစ်ခုလုံး အထက်တရားရုံးများတွင် ရှေ့နေလိုက်နိုင်သည့် လန်ဒန်မြို့ မစ်ဒယ် တင်ပယ် (Middle Temple) မှ ဥပဒေဘွဲ့ရရှိပြီး အင်္ဂလန်၏အဆင့်မြင့်ဆုံး ဥပဒေပညာရှင် (Barrrister At Law) ရရှိခဲ့သော် လည်း အင်္ဂလန်နိုင်ငံတွင် ၀တ်လုံအလုပ်ဖြင့် အသက်မွေးဝမ်းကျောင်း မပြုဘဲ အမိနိုင်ငံကို ပြန်လာပြီး ဥပဒေပညာဖြင့် အသက် မွေးဝမ်းကျောင်းပြုရင်း အမျိုးသားအရေးကို ဆောင်ရွက်ခဲ့သည်။
၂။ နိုင်ငံနှင့် လူမျိုးအတွက် သားမယားကို စွန့်ခြင်း
မြန်မာနိုင်ငံအတွင်းသို့ ဂျပန်များ ၀င်လာသောအခါ ဇနီးသည်နှင့် သားတစ်ယောက် ၊ သမီးတစ်ယောက် စစ်ပြေးဘ၀ဖြင့် အင်္ဂ လန်သို့ ပြန်သွားသော်လည်း လိုက်မသွားဘဲ စောဘဦးကြီးသည် ကရင့်နိုင်ငံရေး လိုအပ်ချက်အရ ကေအဲန်ယူထဲ ၀င်ရောက် ဦးဆောင်ခဲ့သည်။ နောက်ပိုင်းတွင် ဇနီးသည်နှင့် ကွာရှင်းလိုက်သည်။
၃။ နိုင်ငံနှင့် လူမျိုးအတွက် ရာထူးကို စွန့်ခြင်း
၁၉၄၇ခုနှစ်၊ လူထု (၇၀၀)ကျော် တက်ရောက်ခဲ့သည့် မော်လမြိုင်ကွန်ဖရင့်တွင် ကရင်များ၏ လိုလားချက် မပြည့်စုံပါက အစိုးရ အဖွဲ့ဝင်ဝန်ကြီးများ မိမိရာထူးမှ နှုတ်ထွက်ရန်နှင့် ၁၉၄၇ခု တိုင်းပြုပြည်ပြု လွှတ်တော်ရွေးကောက်ပွဲကို သပိတ်မှောက်ရန် ဆုံး ဖြတ်ချက်အရ စောဘဦးကြီးသည် ဘုရင်ခံအမှုဆောင်အဖွဲ့ဝင် ၀န်ကြီးမှ ရာထူးကို စွန့်လွတ်၍ လူထုဆုံးဖြတ်ချက်ကို နာခံသည့် အနေနှင့် နှုတ်ထွက်ခဲ့သည်။
၎။ နိုင်ငံနှင့် လူမျိုးအတွက် ပစ္စည်းဥစ္စာကို စွန့်ခြင်း
တိုင်းပြည်ဆူပူချိန် မအူပင်ငွေတိုက်ကို ဖောက်ရာတွင် ကရင်လူငယ် (၁၉)ဦး ပါဝင်ခဲ့ရာ ၎င်းငွေများသည် ပြည်သူတစ်ရပ်လုံး ပိုင် ဆိုင်ကြောင်း၊ ကရင် ၁၉ဦးဟု ဆိုသော်လည်း ကရင်တစ်မျိုးသားလုံး နာမည်ပျက်စရာဖြစ်၍ ကေအဲန်ယူခေါင်းဆောင်များ ပြန် ဆပ်ရန်နှင့် မိမိကိုယ်တိုင် ဦးဆောင်၍ ဘဲဂရက်ရွာတွင် ပိုင်ဆိုင်ခဲ့သည့် လယ်ဧက (၁၀၀၀) ကို ရောင်းချ၍ ဆပ်မည်ဖြစ်ကြောင်း ရန်ကုန်မြို့ အလုံရပ်ရှိ ကရင်အမျိုးသားကလပ်တွင် ၀န်ကြီးချုပ်ဦးနုကို ဖိတ်ကြားဧည့်ခံသည့်ထမင်းစားပွဲ၌ ပြောကြားခဲ့သည်။ အမျိုးသားရေး ဂုဏ်သိက္ခာကို မိမိပိုင်ပစ္စည်းဖြင့် စွန့်လွတ်အနစ်နာခံနိုင်ခဲ့ခြင်းပင် ဖြစ်သည်။
၅။ ကရင်ပြည်သူများကို မျက်စိဖွင့်ပေးခဲ့ခြင်း
ကရင်လူမျိုးများအား ပြည်ထောင်စုအတွင်း အခြားတိုင်းရင်းသားများနှင့် တန်းတူအခွင့်အရေး ရရှိရန် ဥပဒေဘောင်အတွင်း ငြိမ်း ချမ်းစွာ တင်ပြတောင်းဆိုတတ်ရန် ၁၉၄၈ခုနှစ်၊ ဖေဖေါ်ဝါရီလ (၁၀)ရက်နေ့တွင် တစ်ပြည်လုံး ငြိမ်းချမ်းစွာ အောက်ပါအချက်များ ကို ဒီမိုကရေစီဘောင်အတွင်း ဆန္ဒဖော်ထုတ်တတ်ရန် မျက်စိဖွင့်ပေးခဲ့သည်။
၎င်းဆန္ဒဖော်ထုတ်ချက်များမှာ
(က) ကရင်တစ်ကျပ် ဗမာတစ်ကျပ် ချက်ချင်းပြ
(ခ) ကရင်ပြည် ချက်ချင်းပေး
(ဂ) လူမျိုးရေး အဓိကရုဏ်း အလိုမရှိ
(ဃ) ပြည်တွင်းစစ်အလိုမရှိ ဟူ၍ဖြစ်သည်။
လူမျိုးတမျိုး၏ တန်းတူရေးနှင့် ကိုယ်ပိုင်ပြဌာန်းခွင့် အကြမ်းဖက်မှုကို မလိုလားဘဲ တောင်းဆိုခဲ့ခြင်း ဖြစ်သည်။ လွတ်လပ်ရေး တောင်းဆိုစဉ်က ဗိုလ်ချုပ်အောင်ဆန်းက တိုင်းရင်းသားများအား ဗမာတစ်ကျပ် ရရင် မင်းတို့လည်း တစ်ကျပ် ရစေရမယ်။ အင်္ဂလိပ်ကျွန်က လွတ်မြောက်ပြီးရင် မင်းတို့ ဗမာကျွန်မဖြစ်စေရဘူးဟု ပြောခဲ့သည်။
(၆) စည်းရုံးနိုင်စွမ်းအား ရှိခြင်း
၁၉၄၈ခုနှစ်၊ ဖေဖေါ်ဝါရီလ (၁၁)ရက်နေ့ တစ်ပြည်လုံးငြိမ်းချမ်းစွာ ဆန္ဒဖော်ထုတ်ပွဲတွင် လူအင်အား (၄၅၄,၁၀၀) ပါဝင်ခဲ့သည်။ ကရင်အမျိုးသားခေါင်းဆောင်ထဲတွင် ကရင်ပြည်သူများကို စည်းရုံးနိုင်စွမ်းအား အကြီးမားဆုံး ပုဂ္ဂိုလ်တစ်ဦးပင် ဖြစ်သည်။
(၇) အသက်ကို စွန့်ခြင်း
၁၉၅၀ခုနှစ်၊ သြဂုတ်လ (၁၂)ရက် နံနက် ဝေလီဝေလင်းအချိန် ကရင်ပြည်နယ်၊ ကော့ကရိတ်မြို့နယ် ထို့ကော်ကိုးရွာ လယ်တဲ တစ်ခုအတွင်း စခန်းချနေစဉ် အမျိုးသားသစ္စာဖောက် ထီစွမ်းရွာသား မောင်အဲဆိုသူ၏ သတင်းပေးမှုကြောင့် နဘူးတပ်စခန်း၏ ၀ိုင်းဝန်းတိုက်ခိုက်ရာ လက်နက်ချအညံ့မခံဘဲ ခုခံတိုက်ခိုက်ရင်း မိမိယုံကြည်သည့် အမျိုးသားတော်လှန်ရေးအတွက် အသက် စွန့်ခဲ့သည်။
၁၉၄၈ခုနှစ်၊ ဖေဖေါ်ဝါရီလ (၁၁)ရက်နေ့တွင် မြန်မာတနိုင်ငံလုံး၌ ငြိမ်းချမ်းစွာ ဆန္ဒဖော်ထုတ်ခဲ့သည့် ကရင်လူဦးရေစာရင်းမှာ
မြို့နယ် လူဦးရေ
၁။ ညောင်လေးပင် ၁၀၀၀၀
၂။ သင့်ချောင်း ၉၀၀၀
၃။ အင်းစိန်+ရန်ကုန် ၁၂၀၀၀
၎။ လှည်းကူး ၅၀၀၀
၅။ ထန်းတပင် ၃၀၀၀
၆။ တိုက်ကြီး ၄၀၀၀
၇။ ဥက္ကံ ၆၀၀
၈။ သာယာဝတီ ၃၀၀၀
၉။ မင်းလှ ၃၀၀၀
၁၀။ ကြို့ပင်ကောက် ၁၀၀၀
၁၁။ မိုးညို ၅၀၀
၁၂။ မအူပင် ၂၀၀၀၀
၁၃။ ညောင်တုန်း ၂၀၀၀၀
၁၄။ ဓနုဖြူ ၃၀၀၀၀
၁၅။ ပန်းတနော် ၁၅၀၀၀
၁၆။ ပုသိမ် ၂၀၀၀၀
၁၇။ ကျုံပျော် ၂၀၀၀၀
၁၈။ ငပုတော ၈၀၀၀
၁၉။ မြောင်းမြ ၂၀၀၀၀
၂၀။ အိမ်မဲ ၁၅၀၀၀
၂၁။ ၀ါးခယ်မ ၁၅၀၀၀
၂၂။ ဟင်္သာတ ၄၀၀၀
၂၃။ အင်္ဂပူ ၅၀၀၀
၂၄။ ဇလွန် ၁၅၀၀၀
၂၅။ ဘိုကလေး ၅၀၀၀
၂၆။ ကျိုက်လတ် ၃၀၀၀
၂၇။ ကွမ်းခြံကုန်း ၂၀၀၀
၂၈။ တောင်ငူ ၂၀၀၀၀
၂၉။ ကျောက်ကြီး ၅၀၀၀
၃၀။ ရွှေကျင် ၆၀၀၀
၃၁။ သထုံ ၅၀၀၀၀
၃၂။ ပေါင် ၃၀၀၀၀
၃၃။ ဖားအံ ၂၅၀၀၀
၃၄။ လှိုင်းဘွဲ ၂၀၀၀၀
၃၅။ ဘီးလင်း ၄၀၀၀
၃၆။ ကျိုက်ထို ၆၀၀၀
၃၇။ မော်လမြိုင် ၁၀၀၀
၃၈။ ကျုံဒိုး ၆၀၀၀
၃၉။ ကော့ကရိတ် ၅၀၀၀
၄၀။ ကြာအင်း ၆၀၀၀
၄၁။ မော်ချီး ၁၅၀၀
၄၂။ လွိုင်ကော် ၅၀၀
စုစုပေါင်း ၄၅၄၁၀၀

Read more »

*ကရင်အမျိုးသားအာဇာနည်နေ့* (မန်းထိန်ဝင်းစိန်) ,

{[['']]}