တိုင်းရင်းသားတို့ ကံကြမ္မာကို ဆုံးဖြတ်ပေးမည့် အချိန်ဟု ကေအိုင်အို ဒု-ဥက္ကဋ္ဌ သုံးသပ်

တိုင်းရင်းသားတို့ ,

{[['']]}

Zawzaw Zaw with ကိုဝေ ဠု and 46 others

တိုင်းရင်းသားတို့ ကံကြမ္မာကို ဆုံးဖြတ်ပေးမည့် အချိန်ဟု ကေအိုင်အို ဒု-ဥက္ကဋ္ဌ သုံးသပ်

Thursday, 31 July 2014
မဇ္ဈိမ

တိုင်းရင်းသားတို့၏ ကံကြမ္မာကို အဆုံးအဖြတ်ပေးမည့် အချိန်ရောက်နေပြီဖြစ်သဖြင့် တိုင်းရင်းသားခေါင်းဆောင်တို့ ပေါ့ဆ၍မရဟု ကေအိုင်အိုဥက္ကဋ္ဌ ဗိုလ်ချုပ်ကြီး အင်ဘန်လက ပြောဆိုလိုက်သည်။

“ကျွန်တော်တို့ ပေါ့ဆလို့ တစ်ချက်မှားတာနဲ့ တစ်သက်ပြန်ခံရမှာဖြစ်တယ်”ဟု ဇူလိုင် ၃၀ က ပြုလုပ်သည့် တိုင်းရင်းသား လက်နက်ကိုင်တော်လှန်ရေးအဖွဲ့အစည်းများ၏ ထိပ်သီးခေါင်းဆောင်များအစည်းအဝေးတွင် ပြောဆိုလိုက်ခြင်းဖြစ်သည်။

တိုင်းရင်းသားအဖွဲ့အစည်းတို့က နှစ်ပေါင်း ခြောက်ဆယ်ကျော် တိုက်ပွဲဝင်ခဲ့သော်လည်း ဘာမှပြောခွင့်မရခဲ့ဘဲ လက်ရှိအချိန်သည် ရလဒ်ကောင်းတစ်ခုဟု ဗိုလ်ချုပ်ကြီး အင်ဘန်လက ပြောသည်။

သို့သော် ဒီလိုအချိန်အခါမျိုးမှာ ကျွန်တော်တို့ တောင်းဆိုသင့်တောင်းဆိုထိုက်တဲ့ အခွင့်အရေးတွေကို ပြည့်ပြည့်၀၀ တောင်းဆိုတတ်ဖို့လည်း လိုပါတယ်”ဟု ၎င်းက ဆိုသည်။၂၀၁၁ခုနှစ် ဦးသိန်းစိန်အစိုးရတက်လာပြီးနောက်ပိုင်း ငြိမ်းချမ်းရေးဖြစ်စဉ်များ လုပ်ဆောင်ရန် တိုင်းရင်းသားများကို ဖိတ်ခေါ်ခဲ့သည်။

နောက်ဆက်တွဲအဖြစ် တိုင်းရင်းသား ၁၆ ဖွဲ့ဖြင့် ဖွဲ့စည်းထားသော နိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ NCCT နှင့် အစိုးရ၏ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ UPWC တို့ ပူးပေါင်းရေးဆွဲထားသည့် တစ်နိုင်ငံလုံးအပစ်ခတ် ရပ်စဲရေးဆိုင်ရာသဘောတူစာချုပ် ဒုတိယမူကြမ်းတစ်ရပ် ပေါ်ထွက်လာခဲ့သည်။

ထိပ်သီးအစည်းအဝေးမှာ တိုင်းပြည်တစ်ခုလုံးနှင့်ဆိုင်သည့် ကိစ္စများဆွေးနွေးပွဲဖြစ်သည့်အတွက် “မှားယွင်းတဲ့ ဆုံးဖြတ်ချက်တွေ၊ လွဲချော်တဲ့ ဆုံးဖြတ်ချက်တွေ မဖြစ်ဖို့အတွက် သတိပေးခြင်းလို့ပဲ ယူဆပါတယ်”ဟု မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး၏ ဥက္ကဋ္ဌ ရဲဘော်သံခဲက မဇ္ဈိမကို ပြောသည်။

လက်ရှိ ကျင်းပနေသည့် တိုင်းရင်းသားခေါင်းဆောင်များ၏ ထိပ်သီးအစည်းအဝေးတွင် အဆိုပါမူကြမ်းအပေါ် အဓိကဆွေးနွေးခဲ့ကြခြင်းဖြစ်ပြီး သဘောတူဆုံးဖြတ်ချက် ဆယ်ချက်ချမှတ်ထားသည်။ တရုတ်-မြန်မာနယ်စပ် ကချင်လွတ်မြောက်ရေးတပ်မတော် (KIA)ဌာနချုပ်ရှိရာ လိုင်ဇာမြို့တွင်ဇူလိုင်၂၅ မှ ၂၉ရက်ထိ NCCT အဖွဲ့ ၀င်ထိပ်သီးခေါင်းဆောင်များအစည်းအဝေးကို ကျင်းပပြီးဖြစ်ကာ ဇူလိုင် ၃၀ နှင့် ၃၁ တွင် တိုင်းရင်းသား လက်နက်ကိုင်တော်လှန်ရေး အဖွဲ့အစည်းများ၏ ထိပ်သီးခေါင်းဆောင်များအစည်းအဝေးကို ဆက်လက် ကျင်းပမည် ဖြစ်သည်။

ဇူလိုင် ၃၀ရက် ဆွေးနွေးမှုရလဒ်အရ တိုင်းရင်းသားတို့၏ နိုင်ငံလုံးဆိုင်ရာ အပစ်အခတ်ရပ်စဲရေး စေ့စပ် ညှိနှိုင်းရေးအဖွဲ့NCCT ကို ကြီးကြပ်မည့် ဦးဆောင်ကော်မတီတစ်ရပ်ဖွဲ့စည်းရန် ဆွေးနွေးထားပြီး ဇူလိုင် ၃၁ ရက်တွင် အပြီးသတ်ဆုံးဖြတ်ချက်ချရန် စီစဉ်ထားသည်။

=======

နိုင်ငံရေးဆွေးနွေးပါက ၈၈မျိုးဆက်ပါရန် တိုင်းရင်းသားခေါင်းဆောင်များ ဆုံးဖြတ်

Thursday, 31 July 2014
မဇ္ဈိမ

အစိုးရနှင့် တစ်နိုင်ငံလုံး အပစ်အခတ်ရစ်စဲရေး သဘောတူလက်မှတ်ရေးထိုးပြီးပါက နိုင်ငံရေးဆွေးနွေးပွဲများ ဆက်လက် ဆွေးနွေးရာတွင် ၈၈ မျိုးဆက်ကျောင်းသား ခေါင်းဆောင်များပါဝင်ရန် နိုင်ငံလုံးဆိုင်ရာ အပစ်အခတ်ရပ်စဲရေး စေ့စပ်ညှိနှိုင်းရေးအဖွဲ့ NCCT ၀င်ထိပ်သီးခေါင်းဆောင်များ အစည်းအဝေးတွင် ဆုံးဖြတ်လိုက်သည်။

နိုင်ငံရေးဆက်လက်ဆွေးနွေးပါက သုံးပွင့်ဆိုင်ဖြစ်သည့် အစိုးရကိုယ်စားပြုကိုယ်စားလှယ်များ၊ တိုင်းရင်းသား လက်နက်ကိုင်တော်လှန်ရေးကို ကိုယ်စားပြုကိုယ်စားလှယ်များနှင့် ဒီမိုကရေစီအင်အားစုများနှင့် နိုင်ငံရေးပါတီများပါဝင်ရန် လိုင်ဇာတွင် ကျင်းပသည့် NCCT ထိပ်သီးအစည်းအဝေးနောက်ဆုံးနေ့ဖြစ်သည့် ဇူလိုင် ၂၉ က ဆုံးဖြတ်လိုက်ခြင်းဖြစ်သည်။

“ရှစ်လေးလုံးကာလက လှုပ်ရှားလာတဲ့ ကျောင်းသားခေါင်းဆောင်တွေ၊ တစ်နည်းအားဖြင့် ပြောရရင် ၈၈ ခေါင်းဆောင်တွေကိုလည်း ပါဝင်စေသင့်တယ်ဆိုတဲ့ ဆုံးဖြတ်ချက်နဲ့ ဒီမိုကရေစီအင်အားစုများနဲ့ နိုင်ငံရေးပါတီတွေလည်း ပါရမယ်လို့ ဘောင်ချဲ့လိုက်ပါတယ်”ဟု NCCT အဖွဲ့ဝင် ဒေါက်တာ ဆလိုင်းလျန်မှုန်းဆာခေါင်က ပြောသည်။

NCCT ထိပ်သီးအစည်းအဝေးတွင် ဆုံးဖြတ်ချက် ၁၀ ချက်ချမှတ်ခဲ့သေးသည်။ ၎င်းတို့မှာ ဒီမိုကရေစီရေး အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့်ကို အာမခံပေးနိုင်သော ဖက်ဒရယ်ပြည်ထောင်စုတည်ထောင်ရေးကို ဆက်လက်ကိုင်စွဲသွားရန်၊ “တော်လှန်ရေး” စကားလုံးကို အပစ်ရပ်မူကြမ်း၏ ခေါင်းစဉ်တွင် မထည့်ဘဲ အထဲစာသားတွင် ထည့်ရန်နှင့် နိုင်ငံရေးဆွေးပွဲကို “ပြည်ထောင်စုငြိမ်းချမ်းရေးညီလာခံ”ဟု အမည်ပေးရန်တို့ဖြစ်သည်။

အစည်းအဝေးဆုံးဖြတ်ချက်ဖြစ်သည့် ဒီမိုကရေစီရေး၊ အမျိုးသားတန်းတူရေး၊ ကိုယ်ပိုင်ပြဋ္ဌာန်းခွင့်နှင့် စစ်မှန်သော ဖက်ဒရယ်ပြည်ထောင်စုတည်ဆောက်ရေးကို အစိုးရနှင့် ဆွေးနွေးသည့်အခါ အခိုင်အမာ ရပ်တည်မည်ဖြစ်ပြီး မရရှိပါက အလျော့မခံနိုင်ဟု NCCT ခေါင်းဆောင် နိုင်ဟံသာက ပြောသည်။

“အဲ့ဒီပြဿနာကို အစိုးရဘက်က သဘောတူလက်ခံမယ်ဆိုရင် ဒီဖြေရှင်းမှုက အောင်မြင်ပါမယ်။ လက်မခံဘူးဆိုရင်တော့ ထိပ်သီးခေါင်းဆောင်တွေက တို့ကို ဆုံးဖြတ်ချက်ချမှတ်ပေးလိုက်တယ်။ အဲ့ဒီအပေါ်မှာ ခိုင်ခိုင်မာမာရပ်တည်ပြီးတော့မှ ဆွေးနွေးသွားပါဆိုတာကတော့ အခိုင်မာဆုံးအဖြေပေါ့ဗျာ” ဟု ၎င်းက ဆိုသည်။

၂၀၁၅ ခုနှစ်မတိုင်မီ အစိုးရအပစ်ရပ်လက်မှတ်ရေးထိုးရန် ဖြစ်နိုင်ခြေရှိသည်ဟု ကရင်အမျိုးသားအစည်းအရုံး(KNU) မှ NCCT ဒု-အဖွဲ့ခေါင်းဆောင် ပဒိုကွယ်ထူးဝင်းက ၎င်း၏အမြင်ကို ပြောသည်။

သို့သော် “ဒါကတော့ တွေ့တဲ့အချိန်မှာ ဟိုဘက်က တိုးတက်ပြောင်းလဲမှု ဘယ်လောက်ရှိမလဲ။ ကျွန်တော်တို့ဘက်က ဒီအချက်အလက်ပေါ်မှာ မူတည်ပြီးတော့ ကျွန်တော်တို့ပြန်ပြင်ရေးတဲ့ တစ်နိုင်ငံလုံး အပစ်အခတ်ရပ်စဲရေး သဘောတူစာချုပ်ပေါ်မှာ ဘယ်လောက်ပြောင်းလဲမှုရှိသလဲ အပေါ်မှာ မူတည်ပါတယ်” ဟု ဆိုသည်။

တရုတ်-မြန်မာနယ်စပ် လိုင်ဇာမြို့တွင် ဇူလိုင် ၂၅မှ ၂၉ရက်ထိNCCT အဖွဲ့ဝင် ထိပ်သီးခေါင်းဆောင်များ အစည်းအဝေးကျင်းပပြီးဖြစ်ကာ ဇူလိုင် ၃၀ နှင့် ၃၁ တွင် တိုင်းရင်းသားလက်နက်ကိုင် တော်လှန်ရေး အဖွဲ့အစည်းများ၏ ထိပ်သီးခေါင်းဆောင်များအစည်းအဝေးကို ဆက်လက်ကျင်းပမည်ဖြစ်သည်....