တိုင်းရင်းသား လက်နက်ကိုင်အဖွဲ့များ တတိယအကြိမ် ညီလာခံ ကျင်းပဖို့ ပြင်

တိုင်းရင်းသား လက်နက်ကိုင်အဖွဲ့များ တတိယအကြိမ် ညီလာခံ ကျင်းပဖို့ ပြင် ,

{[['']]}

တိုင်းရင်းသား လက်နက်ကိုင်အဖွဲ့များ တတိယအကြိမ် ညီလာခံ ကျင်းပဖို့ ပြင်
20.07.2014
VOA
မြန်မာအစိုးရနဲ့ တိုင်းရင်းသား လက်နက်ကိုင်တပ်ဖွဲ့တွေ ရေးဆွဲထားတဲ့ တပြည်လုံး အပစ်အခတ်ရပ်စဲရေး စာချုပ်မူကြမ်း တရပ်လုံးကို ဆွေးနွေးကြမယ့် တိုင်းရင်းသားလက်နက်ကိုင်များရဲ့ ညီလာခံကို ကချင်ပြည်နယ် လိုင်ဇာမှာ ဒီရက်ပိုင်းအတွင်း ကျင်းပမှာ ဖြစ်ပါတယ်။ ဖယ်ဒရယ်မူနဲ့ပတ်သက်ပြီး တိတိကျကျ ပြဌာန်းချက် အပါအ၀င် အပစ်အခတ်ရပ်စဲရေး မူကြမ်းကို လက်မှတ်ရေးထိုးနိုင်ရေးအတွက် အကြိတ်အနယ် ဆွေးနွေးကြမှာဖြစ်တယ်လို့ ကချင်လွတ်မြောက်ရေး တပ်မတော် ကေအိုင်အေရဲ့ ဒုတိယစစ်ဦးစီးချုပ် ဗိုလ်ချုပ် ဂွမ်မော်က ပြောဆိုပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ မသိင်္ဂီထိုက်က တင်ပြပေးထားပါတယ်။
ကချင်ပြည်နယ် လိုင်ဇာမှာ ဒီလ ၂၄ ရက်နေ့ကနေ ၂၉ ရက်နေ့ အထိ သီတင်းတပတ် နီးပါးကြာ ပြုလုပ်မယ့် တိုင်းရင်းသား လက်နက်ကိုင် အဖွဲ့များရဲ့ ညီလာခံမှာတော့ တနိုင်ငံလုံး အပစ်အခတ်ရပ်စဲရေး သဘောတူညီချက် လက်မှတ်ရေးထိုးနိုင်ရေးအတွက် ဆွေးနွေးကြမှာ ဖြစ်ပါတယ်။ တပြည်လုံး အပစ်အခတ် ရပ်စဲရေး စာချုပ်မူကြမ်းကို ဆွေးနွေးကြမှာ ဖြစ်တယ်လို့ ကချင်လွတ်မြောက်ရေး တပ်မတော် ကေအိုင်အေရဲ့ ဒုတိယ စစ်ဦးစီးချုပ် ဗိုလ်ချုပ် ဂွမ်မော်က အခုလို ပြောပြပါတယ်။
“အဓိက-ကတော့ တနိုင်ငံလုံး အပစ်အခတ်ရပ်စဲရေး စာချုပ်မူကြမ်းအပေါ်မှာ ဆွေးနွေးကြဖို့ ဖြစ်ပါတယ်။ ကျနော်တို့ NCCT အဖွဲ့ဝင်များ၊ နောက်ပြီးတော့ နောက်ပိုင်းမှာတော့ NCCT မဟုတ်တဲ့ တခြား တိုင်းရင်းသား လက်နက်ကိုင်တော်လှန်ရေး အဖွဲ့တွေရော၊ နောက် UNFC ရော၊ ABSDF စသည်ဖြင့်ပေါ့လေ- ဒီအဖွဲ့တွေ တော်တော်များ တက်ဖို့ ရှိပါတယ်ခင်ဗျ။ ဆွေးနွေးရမယ့်အချက်ကတော့ တော်တော်များပါတယ်။ ကျနော်တို့က single text အနေနဲ့ ညှိနှိုင်းဆဲဆိုတော့ အတိအကျတော့ မပြောတတ်သေးဘူးခင်ဗျ။ ကျနော်တို့ဘက်က ညှိနှိုင်းပြီးတော့ UPWC နဲ့ ဆက်ပြီး ညှိရမှာဆိုတော့လေ၊ အဓိက-ကတော့ NCA (တနိုင်ငံလုံးအပစ်ရပ်စဲရေးမူကြမ်း) တစုံလုံးကို ကျနော်တို့ ညှိနှိုင်းနေတာ ဖြစ်ပါတယ်။ ဖက်ဒရယ်နဲ့ပတ်သက်ပြီးမှတော့ နိုင်ငံရေးဆွေးနွေးပွဲမှာ ဖက်ဒရယ်ကိစ္စက ဘယ်လို ဆွေးနွေးမှာလဲ။ ဘယ်လို ဖက်ဒရယ်ပုံစံလဲဆိုတဲ့ဟာတွေ တော်တော်များများ ဒီတကြိမ်မှာ ဆွေးနွေးဖို့ ရှိပါတယ်။ မြောက်ပိုင်းဒေသနဲ့ ရှမ်းမြောက်ဒေသက တိုက်ပွဲတွေကတော့ ပိုပြီးလက်တွေ့ကျတဲ့ သဘောပေါ့နော်။ အဲဒါ ကျနော်တို့ လက်မှတ်ရေးထိုးတဲ့အဆင့်ကို ရောက်သွားလို့ရှိရင် တပ်ဆုတ်တာတို့၊ တပ်ခွာတာတို့ ဘယ်လိုလုပ်မလဲဆိုတဲ့ အပိုင်းကတော့ ကျနော်တို့အထဲမှာ အဓိက ဆွေးနွေးတာထက် အစိုးရဘက်နဲ့ ဆွေးနွေးဖို့က ပိုပြီး အရေးကြီးပါတယ်။ ဒီတကြိမ်ကတော့ မူပိုင်းပေါ့- အစိုးရနဲ့ ထပ်ပြီး ဆွေးနွေးဖို့ လိုအပ်တဲ့အချက်များကို ကျနော်တို့ဘက်က အဓိက ဆွေးနွေးထားဖို့ ဆိုတဲ့ အစီအစဉ် ဖြစ်ပါတယ်။”
မြန်မာအစိုးရရဲ့ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီနဲ့ တိုင်းရင်းသား လက်နက်ကိုင်တပ်ဖွဲ့များရဲ့ တနိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့ NCCT တို့ကြား ရေးဆွဲထားတဲ့ တပြည်လုံး အပစ်အခတ်ရပ်စဲရေး စာချုပ်မူကြမ်းကို ဆွေးနွေးကြမယ့် လိုင်ဇာ ညီလာခံမှာတော့ တိုင်းရင်းသား လက်နက်ကိုင်တပ်များရဲ့ တနိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းမှုအဖွဲ့ NCCT ကိုယ်စားလှယ်တွေ၊ နောက် NCCT ထဲမှာ မပါတဲ့ တိုင်းရင်းသား လက်နက်ကိုင်တပ်ဖွဲ့တွေက ကိုယ်စားလှယ်တွေ၊ ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ UNFC က ကိုယ်စားလှယ်တွေနဲ့ ကျောင်းသားများ ဒီမိုကရက်တစ်တပ်ဦး ABSDF က ကိုယ်စားလှယ်တွေပါ တက်ရောက် ဆွေးနွေးကြမှာပါ။
အပစ်အခတ် ရပ်စဲရေး အမြန်ဆုံး လက်မှတ်ရေးထိုးနိုင်ဖို့ အတတ်နိုင်ဆုံး ကြိုးပမ်းမှာ ဖြစ်တယ်လို့ ဗိုလ်ချုပ် ဂွမ်မော်က ဆိုပါတယ်။
“ဒီတခါတော့ ကျနော်တို့ လက်မှတ်ထိုးနိုင်အောင်ဆိုတဲ့ အနေအထား၊ ဒါကြောင့်မို့လို့ ဒီတကြိမ်အစည်းအဝေးမှာလည်း အဓိက-ကတော့ နှစ်ဘက် လက်ခံနိုင်မယ့် အနေအထားမျိုးရောက်ပြီးမှ အချိန်ကို တတ်နိုင်သလောက် အမြန်ဆုံး ဘယ်လို လက်မှတ်ရေးထိုးနိုင်အောင် သွားကြမလဲဆိုတဲ့အပိုင်းကို အဓိကထားပြီး ဆွေးနွေးဖို့ ဖြစ်ပါတယ်။”
မြန်မာအစိုးရနဲ့ ဆယ်စုနှစ်တွေနဲ့ချီပြီး ကိုယ်ပိုင်ပြဌာန်းခွင့် ပိုရရေး လက်နက်ကိုင် တိုက်ခိုက်နေကြတဲ့ တိုင်းရင်းသား လက်နက်ကိုင်တပ်ဖွဲ့များက အခု မြန်မာ အရပ်သားအစိုးရလက်ထက် အပစ်အခတ်ရပ်စဲရေး ဆွေးနွေးလာချိန်မှာ တိုင်းရင်းသားတွေရဲ့ လိုလားချက်ကို တသံတည်းထွက်စေဖို့အတွက် တိုင်းရင်းသား လက်နက်ကိုင်တပ်များရဲ့ ညီလာခံကို ပြီးခဲ့တဲ့နှစ်က ပထမဆုံးအကြိမ်အဖြစ် ကချင်ပြည်နယ် လိုင်ဇာမှာ ကျင်းပခဲ့ပြီး ဒုတိယအကြိမ်ကို ကရင်ပြည်နယ် လော်ခီးလာမှာ ကျင်းပနိုင်ခဲ့ကြပါတယ်။ အခု ကျင်းပမယ့် လိုင်ဇာညီလာခံကတော့ တတိယအကြိမ် တိုင်းရင်းသား လက်နက်ကိုင် တပ်များရဲ့ ညီလာခံ ဖြစ်ပါတယ်ရှင်။
အသံဖိုင် - http://burmese.voanews.com/audio/audio/435503.html
===========
လက်နက်ကိုင်အဖွဲ့ ကိုယ်စားလှယ်များ ညီလာခံ တက်ဖို့ မြစ်ကြီးနား ရောက်
2014-07-20
RFA
ကချင်လွတ်မြောက်ရေးအဖွဲ့ ကေအိုင်အိုဌာနချုပ် တည်ရှိရာ လိုင်ဇာမြို့မှာ ဒီလ ၂၄ ရက်နေ့ကနေ ၂၆ ရက်နေ့အထိ သုံးရက်ကြာကျင်းပမယ့် တိုင်းရင်းသား လက်နက်ကိုင်အဖွဲ့ခေါင်းဆောင်တွေရဲ့ ညီလာခံကို တက်ရောက်ဖို့အတွက် လက်နက်ကိုင်အဖွဲ့ ကိုယ်စားလှယ်တွေဟာ မြစ်ကြီးနားမြို့ကို ရောက်ရှိနေ ပါတယ်။
ဒီတစ်ကြိမ်တိုင်းရင်းသား လက်နက်ကိုင်အဖွဲ့တွေရဲ့ ညီလာခံဟာ အရေးကြီးတဲ့အကြောင်း မြစ်ကြီးနားမြို့ အခြေစိုက် ငြိမ်းချမ်းရေးအကျိုးဆောင်အဖွဲ့ PCG က ဦးဆန်းအောင်က အခုလို ပြောပါတယ်။
"ဒီ NCCT အဖွဲ့ဝင်တွေကတော့ အားလုံးနီး ပါးရောက်ပါပြီ၊ လားဟူအဖွဲ့ ရခိုင်အဖွဲ့ရောက်ပြီ၊ ကရင်က ငြိမ်းချမ်းရေးကောင်စီနဲ့ သူတို့အဖွဲ့ရောက် ပြီ၊ DKBA ကတချို့ရောက်ပြီ၊ မွန်လည်း တချို့ရောက်ပြီ ပြီးတာနဲ့ သဘောတူညီချက်ရတဲ့ သက်သေလည်း တော်တော်များများ ရှိခဲ့ပြီပေါ့၊ အခုဆိုရင်ကျန်နေတဲ့ အချက်တွေကို ပြန်ဆွေးနွေးကြမှာပေါ့၊ ဒီတစ်ခါကျတော့ အထဲကပါဝင်ရမယ့် အသေးစိတ်အကြောင်းအရာတွေကို ပြန်ဆွေးနွေးတဲ့ ဆွေးနွေးပွဲလည်း ဖြစ်နေတယ်ဆိုတော့ အရေးကြီး တဲ့ ဆွေးနွေးပွဲလို့ ဆိုလို့ရတာပေါ့လေ၊ ဒါပြီးရင် အစိုးရနဲ့ ပြန်တွေ့ဆုံဆွေးနွေးရမယ့် အချက်ဖြစ်တဲ့ အတွက်ကြောင့်မို့ နောက်တစ်ခါ ဒီလိုဆွေးနွေးပွဲက လုပ်ဖြစ်ချင်မှ လုပ်ဖြစ်တော့မယ်"
ညီလာခံတက်ရောက်မယ့် တိုင်းရင်းသားခေါင်းဆောင်တွေကို မြစ်ကြီးနားမြို့ကနေ လိုင်ဇာအထိ လမ်းခရီးတစ်လျှောက် လုံခြုံရေးဆောင်ရွက်ပေးဖို့ မြစ်ကြီးနားမြို့အခြေစိုက် ငြိမ်းချမ်းရေးအကျိုးဆောင်အဖွဲ့ PCG က ကချင်ပြည်နယ်အစိုးရ အဖွဲ့နဲ့ မြောက်ပိုင်းတိုင်းစစ်ဋ္ဌာနချုပ်ကို အကြောင်းကြားထားတယ်လို့ သိရပါတယ်။
တိုင်းရင်းသားခေါင်းဆောင်တွေရဲ့ ညီလာခံကို လိုင်ဇာမြို့မှာ ပြီးခဲ့တဲ့နှစ် နိုဝင်ဘာလမှာ ကျင်းပခဲ့ပြီး ဒုတိယအကြိမ် ညီလာခံကို ဒီနှစ်မတ်လက ကရင်ပြည်နယ် လော်ခီးလာဒေသမှာ ကျင်းပခဲ့ပါတယ်။