Latest Movie :
Home » » အန်စီစီတီ ထိပ်သီးအစည်းအဝေး ဒုတိယရက် စတင်

အန်စီစီတီ ထိပ်သီးအစည်းအဝေး ဒုတိယရက် စတင်

{[['']]}


Description: အန်စီစီတီ ထိပ်သီးအစည်းအဝေး ဒုတိယရက် စတင်

26 July 2014
 ဒီဗွီဘီ 

တိုင်းရင်းသားလက်နက်ကိုင် အဖွဲ့အစည်းတွေရဲ့ တနိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့ (အန်စီစီတီ) ရဲ့ ထိပ်သီးအစည်းအဝေးကို တရုတ်-မြန်မာနယ်စပ် ကေအိုင်အို ဌာနချုပ် လိုင်ဇာမှာ ဒီကနေ့ ဒုတိယရက်အဖြစ် စတင်နေပါတယ်။

မနေ့က ပထမနေ့ အစည်းအဝေးမှာတော့ နိဒါန်းနဲ့ အခန်း ၁ အခြေခံမူဝါဒ ဝေါဟာရအသုံးပြုမူ အပိုင်းကို အပြီးသတ်ဆွေးနွေးခဲ့ပြီး ဒီကနေ့မှာတော့ အခန်း ၂ မှာပါဝင်တဲ့ အကြောင်းအရာ တွေကို စတင်ဆွေးနွေးမှာဖြစ်ပါတယ်။

========

“တော်လှန်ရေး” စကားလုံးကြောင့် အပစ်ရပ် မူကြမ်း ဆွေးနွေးမှုတွင် တိုင်းရင်းသား အဖွဲ့များကြား အငြင်းပွားနေ
 
Saturday, 26 July 2014
မဇ္ဈိမ

တစ်နိုင်ငံလုံး အပစ်အခတ်ရပ်စဲရေးမူကြမ်းတွင် “တော်လှန်ရေး” ဟူသည့် စကားလုံး သုံးနှုန်းမည်၊ ပယ်ဖျက်မည်ကို တိုင်းရင်းသားအဖွဲ့များကြား ဆုံးဖြတ်ချက် ချနိုင်ခြင်းမရှိသေးကြောင်း လိုင်ဇာထိပ်သီးအစည်းအဝေး ပထမနေ့အပြီး တက်ရောက်လာသည့် တိုင်းရင်းသား ခါင်းဆောင်များက ပြောသည်။

အခန်း ၇ ခန်းပါ အပစ်ရပ်မူကြမ်းကို ဆွေးနွေးသည့် တရုတ်-မြန်မာနယ်စပ် လိုင်ဇာမြို့တွင် ဇူလိုင် ၂၅ ရက်က NCCT အဖွဲ့ဝင် ထိပ်သီးခေါင်းဆောင်များအစည်းအဝေး ပထမနေ့တွင် အချိန်ယူဆွေးနွေးခဲ့သော်လည်း သဘောထားတစ်ခုတည်းမရသည့်အတွက် ဆုံးဖြတ်ချက်ချနိုင်ခြင်း မရှိခဲ့ခြင်းဖြစ်သည်။
 
NCCT အဖွဲ့ဝင် တိုင်းရင်းသားအဖွဲ့အစည်း ၁၆ခုမှ  ခေါင်းဆောင်ကိုယ်စားလှယ် ၈၉ဦး တက်ရောက်ဆွေးနွေး သည့် ယင်းအစည်းအဝေးတွင် “ထည့်ကိုထည့်ရမယ် ဆိုတဲ့ အဖွဲ့တွေကတော့ အင်မတန်မှ အားကောင်းမောင်းသန် ဆွေးနွေးကြတယ်” NCCT အဖွဲ့ဝင် ဒေါက်တာဆလိုင်းလျန်မှုန်းက အစည်းအဝေးအပြီးတွင် ပြောသည်။
 
သို့သော် “တော်လှန်ရေး” ဟူသည့် စကားလုံးမထည့်ရန် အဖွဲ့အစည်း ၄ခုက ဆွေးနွေးသလို သဘောထားမပေး သေးသည့် အဖွဲ့များလည်း ရှိနေသည်ဟု ၎င်းကဆိုသည်။ သို့သော် မည်သည့် အဖွဲ့များက မထည့်လိုသည်ကို ထုတ်ဖော်ပြောဆိုသေးခြင်း မရှိသေးပေ။
 
အစိုးရဘက်က “တိုင်းရင်းသားလက်နက်ကိုင်အဖွဲ့” ဟု သုံးနှုန်းလိုပြီး တိုင်းရင်းသားများဘက်က “တိုင်းရင်းသား လက်နက်ကိုင် တော်လှန်ရေးအဖွဲ့” ဟူ၍ သုံးနှုန်းလိုခြင်းဖြစ်သည်။
 
“တိုင်းရင်းသားတွေကတော့ ထည့်ချင်တယ်။ ဒါ ဂုဏ်သိက္ခာပေါ့။ ဟိုဘက်ကလည်း မေတ္တာရပ်ခံတာ မထည့်ပါ နဲ့ပေါ့။ နိုင်ငံတစ်ကာမှာ မျက်နှာပြဖို့” ဟု ဗိုလ်မှူးကြီး ခွန်ဥက္ကာက ပြောသည်။
 
ထို့ကြောင့် အဆိုပါ “တော်လှန်ရေး” ဟူသည့် စကားလုံးကို ထည့်မည်၊ မထည့်မည်ကို NCCT ခေါင်းဆောင် ၁၆ ဦးဖြင့် ဇူလိုင် ၂၄ ရက်က ဖွဲ့ထားသည့် ဦးဆောင်ကော်မတီက ဇူလိုင် ၂၅ရက် ညတွင်ပင် လိုင်ဇာဟိုတယ်၌ စည်းဝေးဆုံးဖြတ်မည်ဖြစ်သည်။

“ဘယ်လိုဆုံးဖြတ်မလဲဆိုတာ ဒီည နည်းလမ်းရှာမယ်” ဟု နိုင်ဟံသာက ပြောသည်။
 
အဆိုရနှင့် သဘောထားကွဲနေသည့် အဆိုပါ စကားလုံးမှာ “လက်နက်ကိုင်အင်အားစုတွေရဲ့ သိက္ခာ အပေါ်မှာ အများကြီးမူတည်တယ်” ဟုလည်း နိုင်ဟံသာက မှတ်ချက်ပြုသည်။
 
ကျင်းပဆဲလွှတ်တော်တွင်လည်း တိုင်းရင်းသား လွှတ်တော်အမတ်တစ်ဦး၏ လွှတ်တော်အတွင်း ဆွေးနွေးမှုတွင် တိုင်းရင်းသားလက်နက်ကိုင် တော်လှန်ရေးတပ်ဖွဲ့များဟု သုံးနှုန်းခဲ့ခြင်းကြောင့် လွှတ်တော်ဥက္ကဋ္ဌ ဦးရွှေမန်းက ထိုသို့ မသုံးနှုန်းရန် သတိပေးခဲ့သေးသည်။
 
ယင်းစကားလုံးကို မထည့်ပါက “ဆွေးနွေးတာ ပိုလွယ်သွားမှာပေါ့။ ဟိုဘက်ကလည်း မထည့်ဖို့ ခနခန ပြောနေတယ်လေ” ဟု ဒေါက်တာဆလိုင်းလျန်မှုန်းက ပြောသည်။
 
၂၀၁၀ ခုနှစ် ဦးသိန်းစိန်အစိုးရ တက်လာပြီးသည့်နောက် လက်နက်ကိုင် တော်လှန်ရေးတွင် ပါဝင်နေကြသည့် တိုင်းရင်းသားလူငယ်များ ကိုင်စွဲထားသည့် လက်နက်များအစား တစ်ကိုယ်ရေသုံး ကွန်ပျူတာ(Laptop) များကိုသာ ကိုင်ဆောင်အသုံးပြုစေရန် ဆန္ဒရှိသည်ဟု သမ္မတဦးသိန်းစိန်က သူ၏အိပ်မက်ကို ထုတ်ဖော် ပြောဆိုထားသည်။
 
သို့သော် ဦးသိန်းစိန်၏ အစိုးရသက်တမ်း သုံးနှစ်ကျော်လာသော်လည်း တစ်နိုင်ငံလုံး အပစ်အခတ်ရပ်မည့် ပြည်တွင်းငြိမ်းချမ်းရေးကို အကောင်အထည်အဖော်နိုင်ခြင်းမရှိသေးပေ။

===========

ကွဲလွဲချက်များကို တိုင်းရင်းသား ညီလာခံတွင် အသေးစိတ် ဆွေးနွေးမည်

July 26, 2014 
 ဧရာဝတီ

အပစ်အခတ် ရပ်စဲရေးမူကြမ်း အခန်း (၅) ပါ နိုင်ငံရေးဆွေးနွေးပွဲဆိုင်ရာ အာမခံချက်များအခန်းတွင် အစိုးရနှင့် တိုင်းရင်းသားများအကြား ကွဲလွဲချက်များရှိနေသောကြောင့် တိုင်းရင်းသား ညီလာခံတွင် တိကျစွာ အသေးစိတ် ဆွေးနွေးရန်ရှိကြောင်း သိရသည်။

“ဒီအခန်းမှာ နိုင်ငံရေးဆွေးနွေးပွဲမှာ အစိုးရ၊ တိုင်းရင်းသားတွေနဲ့ နိုင်ငံရေးပါတီတွေဆိုပြီး တင်ပြတာကို အစိုးရဘက်က ၈ ပွင့်ဆိုင်ဆိုပြီး တင်ပြတယ်။ ဒါကတချက်။ နောက်တခုက အစိုးရက ဒို့တာဝန်အရေး ၃ ပါးကို မထိခိုက်သော
အကြောင်းအရာများကို နိုင်ငံရေးဆွေးနွေးပွဲမှာ ဆွေးနွေးနိုင်တယ် ပြောတယ်။ ကျနော်တို့ကတော့ တိတိကျကျ သေချာ အဓိပ္ပာယ်ဖွင့်ဆိုစေချင်တယ်။ ဒါပေမယ့် ဒါတွေက သိပ်ခက်ခဲမယ် မထင်ပါဘူး။ သို့သော် ဒီအပိုင်းကိုတော့
တိကျစွာ အဖြေထုတ်ဖို့လိုနေတယ်။ ဒီအပေါ်ကိုတော့ သေချာစွာ ဆွေးနွေးညိနှိုင်းဖြစ်မှာပါ” ဟု တနိုင်ငံလုံး အပစ်အခတ် ရပ်စဲရေး ဆိုင်ရာ ညှိနှိုင်းရေး အဖွဲ့ (NCCT) အဖွဲ့ဝင် ဒေါက်တာ ဆလိုင်းလျန်မှုန်း ဆာခေါင်းက ပြောသည်။

နိုင်ငံရေး ဆွေးနွေးပွဲအတွက် မည်သို့ ပြင်ဆင်မည်ကို အသေးစိတ် ဆွေးနွေးရန် အရေးကြီးကြောင်း၊ ကျန်အပိုင်းများမှာမူ စကားလုံးသုံးနှုန်းမှုကိုသာ ဆွေးနွေးရမည်ဖြစ်ကြောင်းနှင့် အခန်း (၅) မှာမူ ဖက်ဒရယ်စနစ် ပေါ်ထွက်ရေးအတွက် အဓိကျသော အခန်းတခု ဖြစ်ကြောင်း NCCT ခေါင်းဆောင် ခွန်ဥက္ကာက ပြောသည်။

“နိုင်ငံရေး ဆွေးနွေးပွဲ ဆက်သွားမယ့်ပုံစံက အရေးကြီးလို့ ဒီလိုညီလာခံ ဖြစ်လာတာပါ။ ဘယ်လို ဆက်လုပ်မလဲ၊ ဘယ်လိုပါမလဲဆို တာတော်တော်လေး အရေးကြီးတယ်။ ဆွေးနွေးပွဲမှာ ပြင်ဆင်မှု ကောင်းကောင်းနဲ့ ပါဖို့လိုတယ်။ နိုင်ငံရေးဆွေးနွေးပွဲလုပ်ဖို့ တောင်းပြီး တကယ်လုပ်ပေးချိန်ကျတော့ ပြင်ဆင်တာမရှိဘဲ မေးခွန်းတွေ မေးလို့မရဘူး။ အခုကတည်းက ပြင်ရမယ်။ နောက် အခုအစိုးရ ချပေးထားတာကရော တိုင်းရင်းသားတွေ လက်ခံမလား။ ဒါကို တိကျစွာ ဆွေးနွေးမယ်ဆိုတော့ ဒီဟာက ခက်မယ်ထင်တယ်” ဟု ခွန်ဥက္ကာက ပြောသည်။

ကချင်ပြည်နယ်၊ လိုင်ဇာမြို့တွင် ဇူလိုင်လ ၂၅ ရက်နေ့က ပထမရက် ဆွေးနွေးပွဲတွင် အခန်း (၁) အခြေခံမူများ၊ အခန်း (၂) ဦးတည်ချက်နှင့် ရည်ရွယ်ချက်များကို အသေးစိတ် ဆွေးနွေးခဲ့ကြောင်း သိရသည်။

ညီလာခံ ဦးဆောင်ကော်မတီမှ အတွင်းရေးမှူး ခူးဦးရယ်က “ဝေါဟာရပိုင်းကို ကြေလည်အောင် ဆွေးနွေးကြတယ်။ မူပိုင်းဆိုင်ရာက အဖွဲ့ရပ်တည်ချက်တွေအပေါ် မူတည်ဆွေးနွေးကြတယ်။ ပွင့်လင်းစွာ ဆွေးနွေးညှိနှိုင်းနေတယ်။ အခုချိန်မှာက တဖွဲ့ချင်းစီအမြင်တွေက နေသေချာဆွေးနွေးဖြစ်တယ်” ဟု ဆိုသည်။

စာချုပ်ခေါင်းစဉ်တွင် ထည့်သွင်းရန် စီစဉ်ထားသော်လည်း အစိုးရဘက်မှ ထည့်သွင်းရန် ငြင်းဆိုထားသော “တော်လှန်ရေး” ဆိုသည့် စကားလုံး အသုံးပြုရေး၊ မပြုရေးကို ညီလာခံ ဦးဆောင်ကော်မတီ အဆုံးအဖြတ် ရယူရန် စီစဉ်ထားကြောင်း သိရသည်။

ဒို့တာဝန် အရေး ၃ ပါးနှင့် စပ်လျဉ်း၍ “ဒို့တာဝန်ဆိုတာက နာမည်ကောင်းပေမယ့် ပြည်ထောင်စု မပြိုကွဲရေးအတွက် အကြောင်းပြကာ တိုင်းရင်းသားတွေရော ပြည်သူတွေပါ ဖိနှိပ်ပြီး တန်းတူခွင့်ရေးတွေ သိမ်းတယ်။ တော်တော် ခံစားခဲ့ရတာတွေရှိတော့ တိုင်းရင်းသားတွေက ဒီအပေါ် တော်တော် ဆွေးနွေးကြတယ်။ ကျနော်တို့အနေနဲ့ အစိုးရဘက်က အဓိကလက်ခံထားတော့ ဒီအချက်ကိုလည်း ကျနော်တို့ဘက်က လက်ခံသင့်တယ်ဆိုတဲ့ဘက် ကျနော်တို့စဉ်းစားကြတယ်။ မူအရ လက်ခံသင့်ပေမယ့် အတိတ်သမိုင်းကြောင်းအရ နာမည်မလှတော့ ဒါကို တင်ပြတာပေါ့။ ကျနော်တို့ဘက်က တိုင်းရင်းသားတွေပြောတဲ့ ဖက်ဒရယ်မူကို လက်ခံ ထားတဲ့အပေါ် ကျနော်တို့ ဆွေးနွေးကြတယ်” ဟု ဒေါက်တာ ဆလိုင်းလျန်မှုန်း ဆာခေါင်းက ပြောသည်။

ယနေ့ ဒုတိယမြောက် ဆွေးနွေးပွဲတွင် အခန်း (၂) နှင့် အခန်း (၃) ကို ဆွေးနွေးနေပြီး အပစ်အခတ် ရပ်စဲရေး ကိစ္စရပ်များ ပါဝင်ကြောင်း သိရသည်။

ဒေါက်တာ ဆလိုင်းလျန်မှုန်း ဆာခေါင်းက “တိုင်းရင်းသားတွေက ခွဲထွက်မယ့်သူတွေ မဟုတ်ဘူး။ ဒီလိုဆိုတော့ ဘယ်လို ဆုံးဖြတ်ချက်တွေချချ ဆွေးနွေးမှုတွေမှာ သမ္မတကြီးပဲ ဖြစ်ဖြစ်၊ ကာချုပ်ပဲ ဖြစ်ဖြစ်၊ လွှတ်တော်ဥက္ကဌကပဲ ဖြစ်ဖြစ် ကျနော်တို့ ခံစားချက်ရပ်တည်ချက်၊ တဖက် လိုလားချက်ကို တဖက်က အလေးနက်ထား လုပ်ဆောင်ပေးတာ အကောင်းဆုံးဖြစ်မယ်။ ဒါမှငြိမ်းချမ်းရေးမြန် မြန်ရပါမယ်” ဟု ဆိုသည်။

ယနေ့ ဆွေးနွေးပွဲ ဒုတိယနေ့တွင် အပစ်အခတ် ရပ်စဲရေး လုပ်ငန်းစဉ်သည် အချိန်အကန့်အသတ် ရှိနေသည့်အပေါ် တိုင်းရင်းသားများ သတိပြုကြရန် ကရင်အမျိုးသား အစည်းအရုံး (KNU) ဥက္ကဋ္ဌ မူတူးဆေးဖိုးက ပြောကြားသည်။

“ဒီနေ့ဖြစ်နေတဲ့ ငြိမ်းချမ်းရေး လုပ်ငန်းစဉ်ဟာ မြန်မာ့သမိုင်းမှာရှိခဲ့တဲ့ အပစ်ခတ်ရပ်စဲရေးတွေနဲ့ မတူညီဘူးဆိုတာ သတိပြုစေချင်တယ်။ တဖွဲ့တိုင်းစီတိုင်းက မိမိတို့လက်ရှိအနေအထားကို ထိန်းသိမ်းထားပြီး ပိုမိုကောင်းမွန်တဲ့ လုပ်ငန်းစဉ် ပေါ်ပေါက်လာအောင် တွန်းတွန်းတိုက်တိုက် သတ္တိရှိရှိလုပ်ကြဖို့ လိုပါတယ်” ဟု မူတူးစေးဖိုးက ပြောသည်။

ပအိုဝ်းအမျိုးသား လွတ်မြောက်ရေး အဖွဲ့ချုပ်မှ ဥက္ကဌ ခွန်မြင့်ထွန်းက “အချိန်ကိစ္စက တကယ် အတိအကျ မှန်တယ်။ အခုချိန်မှာ တိုင်းရင်းသားတွေ စဉ်းစားဖို့ပြောတာ မှန်ပါတယ်။ နောက် လျှော့နိုင်တာ လျှော့ဖို့ပြောတာကလည်း စဉ်းစားရမယ်။ ကျနော်ကတော့ အဲဒီအချက်တွေကို သဘောတူပါတယ်။ ဒီတော့ ကျနော်တို့ကတော့ လျော့နိုင်တာကို လျှော့ပြီး အပစ်ခတ်ရပ်စဲရေးကို အကောင်ထည်ဖော်ဖို့ လုပ်ဆောင်ဖို့ လိုတယ်ဆိုတဲ့ သူပြောတဲ့အချက်ကိုလည်း လက်ခံတယ်။ အခုချိန်မှာ ဒီရလာတဲ့ အခြေအနေကို မိမိရရဆုပ်ကိုင်ဖို့လိုပါတယ်” ဟု ဆိုသည်။

ညီလာခံ ပထမနေ့က ဦးဆောင်ကော်မတီ အဆုံးအဖြတ် ရယူရာတွင်လည်း အဖြေထွက်ပေါ်ခဲ့ခြင်း မရှိသည့် “တော်လှန်ရေး” ဟူသော စကားလုံးနှင့် ပတ်သက်၍ ဆက်လက် ဆွေးနွေးခြင်း မပြုဘဲ ညီလာခံ နောက်ဆုံးနေ့မှသာ ဆက်လက်ဆွေးနွေးမည်ဖြစ်ကြောင်း၊ အကယ်၍ အဖြေမထွက်ပါက မဲခွဲဆုံးဖြတ်ချက် ရယူသွားမည်ဖြစ်ကြောင်း သိရသည်။

========

ကချင်ပြည်နယ် စစ်ပြေးရှောင်စခန်းများတွင် စခန်းတစ်ခု၌ ဒုက္ခသည် ၆၀ခန့် နေ့စဉ်ဖျားနာနေ

Saturday, 26 July 2014
မဇ္ဈိမ

ကချင်ပြည်နယ်တွင် မိုးသည်းထန်စွာ ရွာသွန်းသဖြင့် စစ်ပြေးရှောင်ဒုက္ခသည် စခန်းများတွင် အမိုးအကာများ လုံလောက်မှု မရှိသဖြင့် လူဦးရေ ၅၀၀ နေထိုင်သည့် စခန်းတစ်ခုလျှင် ၆၀ဦးမှာ ဆေးခန်းသို့ နေ့စဉ်သွားနေရသည်ဟု စခန်းများအား ထောက်ပံ့ ကူညီပေးနေသည့် ကချင်ပြည်နယ်အခြေစိုက် အရပ်ဘက်အဖွဲ့အစည်းဖြစ်သည့် ဂရုဏာအသင်းမှ ကိုနော်ဒင့်က မဇ္ဈိမကို ပြောသည်။

ကိုနော်ဒင့်က “ ညနေဆို ဆေးခန်းလာတဲ့ သူတွေက စခန်းတစ်ခုကို အယောက် ၆၀ နဲ့ ၇၀ ကြားမှာ ရှိတယ်၊ ဆရာဝန်ရယ်လို့ စခန်းတွေမှာ မရှိဘူး၊ ကျေးလက်ဒေသကျန်းမာရေးမှူး အဆင့်တွေနဲ့ သူနာပြုတွေပဲ ရှိတယ်"ဟု ပြောသည်။

ဖျားနာအများစုမှာ အေးမိခြင်း၊ မိုးသည်းထန်စွာ ရွာသွန်းသဖြင့် ရေသန့်ရှင်းမှု မရှိကာ ၀မ်းပျက်ဝမ်းလျော ဖြစ်ခြင်း၊ ငှက်ဖျားရောဂါများ ပြန်လည်ဖြစ်ပွားခြင်းများ ဖြစ်နေသည်ဟု ဆိုသည်။

ဒုက္ခသည်များမှာ  ယာယီတဲများဖြင့် နေထိုင်နေကြရပြီး  မိုးသည်းထန်လွန်းသဖြင့် တဲများမှာ မိုးဒဏ်မခံနိုင်ဘဲ ပြိုသွားခြင်း၊ အမိုးအကာမရှိတော့ခြင်းများ ဖြစ်နေသဖြင့် စခန်းများတွင် အမိုးအကာများ လိုအပ်သည်မှာ အရေးပေါ် အခြေအနေဖြစ်နေသည်ဟုလည်း ဆိုသည်။

ထို့ပြင် တောင်စောင်းများတွင် ဆောက်ထားသည့် ကာဂျယ်နှင့် ခါ့ဂျယ် အမည်ရှိသည့် ဒုက္ခသည်စခန်းနှစ်ခုမှာလည်း မြေပြိုမှုများ ဖြစ်နေသဖြင့် စိုးရိမ်နေရသည်ဟု ဆိုသည်။ ထိုစခန်းနှစ်ခုတွင် လူဦးရေ ၁၆၀၀ နှင့် ၃၄၀ ဦးရေ နေထိုင်နေသည်ဟု ဆိုသည်။

ကိုနော်ဒင့်က “ ရွှေ့ပြောင်းဖို့နဲ့ အမိုးအကာတွေက အမြန်အရေးပေါ်ကို လိုနေတယ်။ လမ်းတွေကလည်း တောက်လျှောက် မကောင်းဘူး၊ ဖျားနာတဲ့ သူတွေကိုလည်း လုံခြုံရာ မပို့နိုင်ဘူး၊ အစားအသောက်က ဆန်၊ ဆီ၊ ပဲ၊ ဆားပဲ ပေးထားတယ်"ဟု ဆိုသည်။

စခန်း တစ်ခုတွင် လူဦးရေ ၅၀၀ ၀န်းကျင်ခန့် ရှိပြီး စခန်းကြီးဖြစ်သည့် မန်ဝိုင်းကြီးစစ်ပြေးရှောင်စခန်းတွင် ခိုလှုံနေသူမှာ ဦးရေ ၅၀၀၀ ကျော် ရှိသည်။ထိုစခန်းများကို ဂရုဏာအသင်းမှ ကူညီထောက်ပံ့ ပေးမှုများ ပြုလုပ်နေသည့် မန်စီ-ဗန်းမော် ၊ မိုးကောင်း ၊ မန်ဝိုင်းကြီး မြို့နယ်များရှိ စစ်ပြေးရှောင်စခန်းများကို ပြောဆိုခြင်းသာဖြစ်သည်။ ကချင်ပြည်နယ်တွင်းရှိမြို့
အသီးသီးတွင် စစ်ပြေးရှောင် ဒုက္ခသည် တစ်သိန်းကျော် ရှိသည်။


အန်စီစီတီ ထိပ်သီးအစည်းအဝေး ဒုတိယရက် စတင်
26 July 2014
ဒီဗွီဘီ
တိုင်းရင်းသားလက်နက်ကိုင် အဖွဲ့အစည်းတွေရဲ့ တနိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့ (အန်စီစီတီ) ရဲ့ ထိပ်သီးအစည်းအဝေးကို တရုတ်-မြန်မာနယ်စပ် ကေအိုင်အို ဌာနချုပ် လိုင်ဇာမှာ ဒီကနေ့ ဒုတိယရက်အဖြစ် စတင်နေပါတယ်။
မနေ့က ပထမနေ့ အစည်းအဝေးမှာတော့ နိဒါန်းနဲ့ အခန်း ၁ အခြေခံမူဝါဒ ဝေါဟာရအသုံးပြုမူ အပိုင်းကို အပြီးသတ်ဆွေးနွေးခဲ့ပြီး ဒီကနေ့မှာတော့ အခန်း ၂ မှာပါဝင်တဲ့ အကြောင်းအရာ တွေကို စတင်ဆွေးနွေးမှာဖြစ်ပါတယ်။
========
“တော်လှန်ရေး” စကားလုံးကြောင့် အပစ်ရပ် မူကြမ်း ဆွေးနွေးမှုတွင် တိုင်းရင်းသား အဖွဲ့များကြား အငြင်းပွားနေ
Share this article :

Post a Comment

Contact online

တပ်မဟာ(၅)-တပ်ရင်း(၁၀၂) သတင်း
 
Support : Creating Website | Johny Template | Mas Template
Copyright © 2011. KNLAဘလောက် - All Rights Reserved
Template Created by Creating Website Published by Mas Template
Proudly powered by Blogger